ەير استانا اۆياوتىندى قىتايدان ساتىپ الاتىن بولدى

жанармай
Фото: Фото: Air Astana

 Air Astana جانە PetroChina International Kazakhstan ستراتەگيالىق ارىپتەستىك تۋرالى مەموراندۋمعا قول قويدى، دەپ حابارلايدى Kazinform. 

مەموراندۋم شەڭبەرىندە كومپانيالار اۋەكەروسين جەتكىزۋ ماسەلەسى بويىنشا ىنتىماقتاسۋعا، ينفراقۇرىلىم قۇرۋ جانە حالىقارالىق ستاندارتقا سايكەس Jet ا-1 اۆياوتىنعا كوشۋ جۇمىسىن جۇرگىزۋگە كەلىستى.

قازاقستاندا وتىننىڭ وسى ءتۇرى وندىرىلمەيدى.

سوندىقتان كومپانيالار سونداي-اق Jet ا-1 جانە ەكولوگيالىق تازا اۆياتسيالىق وتىندى (SAF) قىتايدىڭ مۇناي وڭدەۋ زاۋىتتارىنان تىكەلەي يمپورتتاۋ ماسەلەسىن تالقىلادى.

«ءبىز مارشرۋتتىق جەلىنى بەلسەندى كەڭەيتىپ، اۋە پاركىمىزدى ۇنەمى جاڭا ۇشاقتارمەن ۇلعايتامىز. وتىنمەن قامتاماسىز ەتۋ ماسەلەلەرىندە سەرىكتەستەرىمىزدىڭ قولداۋى Air Astana-نىڭ ودان ءارى ءوسىپ دامۋى ءۇشىن قولعابىس بولماق. ESG ستراتەگيامىزعا سايكەس اۆياتسيادا يننوۆاتسيالىق جانە ەكولوگيالىق باستامالاردى ەنگىزۋ نيەتىمىزدە تۇراقتىمىز»، - دەپ اتاپ ءوتتى Air Astana كومپانيالار توبىنىڭ پرەزيدەنتى پيتەر فوستەر.

Jet A-1 - IATA (حالىقارالىق اۋە كولىگى قاۋىمداستىعى) ستاندارتتارىنا سايكەس وتىن ءتۇرى.

Jet A-1 الەمدىك برەندى قازاقستاندا قولدانىلاتىن س-1/رت ماركالارىنان ءوندىرىس پەن ساقتاۋ تەحنولوگياسىمەن ەرەكشەلەنەدى.

جانارمايدىڭ ارتىقشىلىقتارى قاتارىندا ءورت قاۋپىنىڭ تومەندىگى، اتموسفەراعا تۇسەتىن گاز قۇرامى جانە اۆياتسيالىق قوزعالتقىشتاردى جوندەۋ ارالىق سيكلىنىڭ ارتۋى بار.

سوڭعى جاڭالىقتار