ۇيقىدان تۇرعاندا كوزىڭىزدىڭ استى ءىسىپ تۇرا ما؟ مىنا ادەتتەردەن ارىلىڭىز

 ۇيقىدان تۇرعاندا كوزىڭىزدىڭ استى ءىسىپ تۇرا ما؟ وعان اللەرگيالىق رەاكسيا، جاس ەرەكشەلىگىنە بايلانىستى وزگەرىستەر نەمەسە سوزىلمالى اۋرۋلار سەبەپ بولۋى مۇمكىن. ءبىراق كوز استىنىڭ ىسۋىنە ءجيى ءومىر سالتى اسەر ەتەدى. بۇل جاعىمسىزدىقتان ارىلۋ ءۇشىن مىنا ادەتتەردەن ارىلىڭىز. 

تۇزدى كوپ تۇتىنۋ

راتسيوندا تۇزدىڭ كوپ بولۋى جاعىمسىز بەلگىلەرگە اكەلەدى. سونىڭ ءبىرى - ءىسىنۋ. سەبەبى تۇز بۇيرەكتى اعزاداعى سۋدى ۇستاپ تۇرۋعا ماجبۇرلەيدى. بۇل كەزدە تەك كوزىڭىزدىڭ استى ەمەس، بەتىڭىز بەن اياق-قولىڭىز دا ءىسىپ كەتۋى مۇمكىن. كوزدىڭ اينالاسىنداعى تەرى وتە جۇقا جانە سەزىمتال بولعاندىقتان، كوز استىنىڭ ءىسىپ تۇرعانى باسقا دەنە بولىكتەرىنە قاراعاندا قاتتى كورىنىپ تۇرادى.

ۇيىقتار الدىندا ماكياجدى كەتىرمەۋ

قاتتى شارشاپ كەلگەندە ماكياجدى كەتىرمەي ۇيىقتاپ قالۋىڭىز مۇمكىن. الايدا بۇلاي ىستەمەگەن ءجون. كوز اينالاسىنداعى تەرى جۇقا جانە سەزىمتال بولعاندىقتان، كومەتيكا ونى تىتىركەندىرەدى. سونداي-اق ىشپەن جاتساڭىز دا، كوزىڭىز ءىسىپ كەتۋى مۇمكىن.

الكوگولدى كوپ ءىشۋ

الكوگولدى كوپ ءىشۋ اعزادا سۋدىڭ تۇرىپ قالۋىنا ىقپال ەتەدى، سوندىقتان كوز استى ءىسىپ كەتەدى.

كۇيزەلىس جانە ۇيقىنىڭ قانباۋى

ناشار ۇيقى جانە كۇيزەلىس تەرى جاعدايىن ناشارلاتادى. سونىڭ ىشىندە ول كوز استىنىڭ ىسىنۋىنە اكەلەدى.

جاناسپالى لينزانى ۇزاق تاعۋ

ەگەر جاناسپالى لينزانى جارامدىلىق مەرزىمىنەن اسىرىپ تاقساڭىز، كوزىڭىزدىڭ استى ءىسىپ كەتۋى مۇمكىن. سونداي-اق جاڭا قۇيىلعان ەرىتىندى پايدالانۋ ماڭىزدى. ەگەر لينزادا قانداي دا ءبىر اقاۋ پايدا بولسا، ونى بىردەن جاڭاسىنا اۋىستىرىڭىز.

سۋدى از ءىشۋ

سۋدىڭ جەتىسپەۋى - كوز استى ءىسۋىنىڭ باستى سەبەپتەرىنىڭ ءبىرى. سوندىقتان اعزاداعى سۋ تەپە- تەڭدىگىن ساقتاۋ ماڭىزدى.

كومپيۋتەردە ءۇزىلىسسىز جۇمىس ىستەۋ

كوزگە ارتىق كۇش تۇسسە دە، كوزىڭىزدىڭ استى ءىسىپ كەتۋى مۇمكىن. سوندىقتان مونيتور نەمەسە سمارتفون ەكرانىنىڭ الدىندا ءۇزىلىسسىز وتىرا بەرمەڭىز. ءجيى كوزگە ارنالعان جاتتىعۋلار جاساپ تۇرىڭىز.

 

 

ماسساگەت