گيننەس كىتابىنداعى رەكوردتى 97 جاستاعى قاريا جاڭارتتى
ول ءوز رەكوردىڭ ءوزى جاڭارتتى. يتالياندىق فابيو ساببيوني گيننەستىڭ الەمدەگى ەڭ كونە اۆتومەحانيك رەتىندەگى ءوز رەكوردىن جاڭارتتى.

97 جاستاعى ەر ادام رەسمي تۇردە ادامزات تاريحىنداعى ەڭ كونە اۆتومەحانيك رەتىندە تانىلدى. فابيونىڭ ايتۋىنشا، ول بۇل جۇمىستى 1946 -جىلى 19 جاسىندا باستاعان، ال 1958 -جىلى دوسىمەن بىرگە اۆتوكولىك شەبەرحاناسىن ساتىپ العان.
«مەن قاجەت بولعان جاعدايدا عانا زەينەتكە شىعامىن. مەن قولىمنان كەلگەنشە جۇمىس ىستەي بەرەمىن»، - دەيدى مەحانيك.
1965 -جىلى فابيو ساببيوني تراسسادا اۆتوموبيلدەرگە قىزمەت كورسەتە باستادى جانە 1979 -جىلى ءوزىنىڭ جەكە شەبەرحاناسىن اشتى. 2022 -جىلى يتالياندىق ەڭ قارت اۆتومەحانيك رەتىندە رەكورد ورناتقان. ول ەندى ءوزىنىڭ رەكوردىن جاڭارتتى.
«باقىتىما وراي، مەن جاس كورىنەمىن! كليەنتتەر مەنىڭ 100 جاسقا جاقىنداعانىمدى بىلگەندە تاڭعالادى!»- دەيدى ەر ادام.
فابيو ساببيوني 1927 -جىلى 27-قازاندا دۇنيەگە كەلگەن. ول ءالى كۇنگە دەيىن سىنعان كولىكتەردى الۋ ءۇشىن ەۆاكۋاتورعا جەكە ءوزى بارادى. 2024 -جىلدىڭ سوڭىندا ونىڭ ليتسەنزياسى تاعى ەكى جىلعا ۇزارتىلدى، بۇل تاعى ءبىر رەكوردتى بەكىتۋگە سەبەپ بولدى.
Massaget.kz