08:25, 09 - قازان 2023 | GMT +5
ينديانىڭ وڭتۇستىگىندە ورتتەن 14 ادام قازا بولدى
سەنبىدەن جەكسەنبىگە قاراعان تۇندە ينديانىڭ وڭتۇستىگىندەگى كارناتاكا شتاتىندا وتشاشارلار ساتاتىن دۇكەندە ءورت بولىپ، 14 ادام قازا تاپتى جانە بىرنەشە ادام جاپا شەكتى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

مالىمەتتى جەرگىلىكتى پوليتسيا راستاعان.
وقيعا اتالعان شتاتتىڭ بانگالور اكىمشىلىك اۋماعىنداعى اتتيبەلە اۋدانىندا بولعان.
جاپا شەككەندەر جەرگىلىكتى اۋرۋحاناعا جەتكىزىلگەن. قازا بولعانداردىڭ كوبى - سول دۇكەننىڭ قىزمەتكەرلەرى.
پوليتسيا قازىرگى ساتتە ولاردىڭ جەكە تۇلعاسىن انىقتاۋ جۇمىسى ءجۇرىپ جاتقانىن مالىمدەدى.
دۇكەننىڭ يەسى مەن جەردىڭ ەگەسى ءورت قاۋىپسىزدىگى تالاپتارىن بۇزدى دەگەن ايىپ تاعىلدى.