يندونەزيادا جانارتاۋ اتقىلاپ، 10 مىڭ ادام زارداپ شەكتى

استانا. KAZINFORM - يندونەزيانىڭ فلورەس ارالىندا جانارتاۋ اتقىلاپ، ونىڭ سالدارىنان كەم دەگەندە 10 ادام كوز جۇمدى. بۇل تۋرالى يندونەزيانىڭ تابيعات اپاتتارىمەن كۇرەس ۇلتتىق اگەنتتىگىنە سىلتەمە جاساپ ABC news حابارلادى.

اتالعان ارالداعى لاكي لاكي جانارتاۋىنىڭ اتقىلاۋى سالدارىنان اتقىلانعان كۇل 2000 مەترگە (6500 فۋت) دەيىن كوتەرىلدى. بىرنەشە اۋىلعا ىستىق كۇل ءتۇسىپ، ۇيلەردى، سونىڭ ىشىندە كاتوليك موناستىرى ورتەنىپ كەتكەن.

يندونەزيانىڭ تابيعات اپاتتارىمەن كۇرەس ۇلتتىق اگەنتتىگىنىڭ مالىمەتىنشە، جانارتاۋعا جاقىن ورنالاسقان 10 اۋىلىندان كەم دەگەندە 10 مىڭ ادام زارداپ شەككەن. ولاردىڭ كەيبىرەۋلەرى قازىرگى كەزدە تۋىستارىنىڭ ۇيلەرىن پانالاۋدا. ۇكىمەت مەكتەپتەردى ۋاقىتشا باسپانا رەتىندە پايدالانۋدا.