يندونەزيادا 50 جاستاعى ايەلدى پيتون جۇتىپ قويدى

استانا. KAZINFORM - يندونەزيادا الىپ پيتون ايەلدى جۇتىپ قويدى. ايەل ونىڭ اسقازانىنان ءبىر كۇننەن كەيىن تابىلعان بۇل تۋرالى BBC جازدى.

Индонезияда 50 жастағы әйелді питон жұтып қойды
Фото: DANLEO

فاريدا ەسىمدى 50 جاستاعى ايەل، ءتورت بالانىڭ اناسى كالەمپانگ اۋىلىندا ءۇيىنىڭ جانىنداعى ورماندا جوعالىپ كەتكەن. ول باقشاسىنداعى كوكونىستەردى ساتۋ ءۇشىن بازارعا بارا جاتقان.

تۇندە قايتىپ كەلمەگەن سوڭ فاريدانىڭ كۇيەۋى ۋايىمداپ، كورشىلەرىمەن بىرگە ونى ىزدەۋگە كىرىسەدى. ولار كەلەسى كۇنى بۇتالاردىڭ اراسىنان ءىشى قاتتى ۇلكەيگەن التى مەترلىك الىپ پيتوندى تاپقان. بۇدان كۇدىكتەنگەن اۋىل تۇرعىندارى تەرىسىن كەسىپ، ايەلدى جىلاننىڭ ىشىنەن تاۋىپ الدى.

فاريدانىڭ كۇيەۋى نوني ايەلىنىڭ جالعىز كەتۋىنە رۇقسات بەرگەنى ءۇشىن قاتتى وكىنەتىنىن ايتادى.

«ەگەر مەن سول كۇنى ونىمەن بولعانىمدا، پيتون وعان جاقىنداۋعا باتىلى جەتپەس ەدى. ونىڭ قانداي ازاپ شەككەنىن ەلەستەتە دە المايمىن. قاتتى وكىنەمىن»، - دەيدى ول.

مۇنداي جاعداي يندونەزيادا ءبىرىنشى رەت بولىپ وتىرعان جوق. 2022 -جىلى سۋماترا ارالىنداعى دجامبي پروۆينتسياسىندا پيتون دجارا ەسىمدى ايەلدى تۇگەلىمەن جۇتىپ قويعان. ول پلانتاتسياعا جۇمىسقا كەتىپ، سول كۇنى كەشكە ۇيىنە ورالماعان. ونى دا اۋىل تۇرعىندارى ىزدەپ، الىپ پيتوننىڭ ىشىنەن شىعارىپ العان ەدى.

«جابىرلەنۋشى جىلاننىڭ اسقازانىنان تابىلدى»، - دەدى جەرگىلىكتى پوليتسيا باسشىسى سول كەزدە جەرگىلىكتى باق- قا.

تابىلعان كەزدە ونىڭ دەنەسى زاقىمدالماعان بولىپ شىقتى. الايدا مۇنداي جاعداي وتە سيرەك كەزدەسەدى. 2017 -جىلدان بەرى يندونەزيادا ءتورت ادام وسىلاي كوز جۇمعان.

تورلى پيتون (Malayopython reticulatus) - الەمدەگى ەڭ ۇزىن جىلان. ونىڭ مولشەرى 6,25 مەتردەن اسادى. عىلىمعا سۇيەنسەك، كولەمى 10 مەتر ەڭ ۇزىن تورلى پيتون 1912 -جىلى تابىلعان.

تورلى پيتوندار وڭتۇستىك- شىعىس ازيادا مەكەندەيدى. يندونەزيانىڭ دجۋنگليلەرىندە تورلى پيتونداردىڭ ۇلكەن پوپۋلياتسياسى بار. ولار جاقسى جۇزەدى، كەيدە ءتىپتى اشىق تەڭىزگە دە جۇزەدى. سونىمەن قاتار كەشكە جانە تۇندە اڭ اۋلاعاندى، جورىققا شىققاندى ء​​جون كورەدى. ال كۇنىن اعاشتاردىڭ جانىندا نەمەسە ۇڭگىرلەردە وتكىزەدى.

سوڭعى جاڭالىقتار