يۋن سوك ەل: اسكەري جاعداي - قىلمىس ەمەس

استانا. KAZINFORM - يۋن سوك ەل الەۋمەتتىك جەلىدە ءوز قولىمەن جازعان مالىمدەمەسىن جاريالادى، دەپ حابارلايدى Kazinform Yonhap اقپارات اگەنتتىگىنە سىلتەمە جاساپ.

Юн Сок Ёль
Фото: Yonhap

وڭتۇستىك كورەيانىڭ بيلىكتەن قۋىلعان پرەزيدەنتى يۋن سوك ەل سارسەنبى كۇنى اسكەري جاعداي ەنگىزۋ قىلمىس ەمەس ەكەنىن مالىمدەدى.

ول تەرگەۋشىلەر ۇستاعاننان كەيىن بىرنەشە ساعات وتكەن سوڭ Facebook جەلىسىندەگى جازباسىندا بۇرىنعى مالىمدەمەلەرىن قايتالادى.

- اسكەري جاعداي - قىلمىس ەمەس. اسكەري جاعداي - بۇل ۇلتتىق داعدارىسپەن كۇرەسۋ ءۇشىن پرەزيدەنتتىك وكىلەتتىكتەردى پايدالانۋ، - دەپ جازدى ول مالىمدەمە استىنا سۋرەتىن قوسا سالىپ.

يۋن سوك ەل ونىڭ قىزمەتىنەن شەتتەتىلۋى سوعىس جاعدايىن جاريالاۋدى كوتەرىلىسپەن تەڭەستىرۋ تەورياسىنا نەگىزدەلگەنىن مالىمدەپ، ونى «ساندىراق» دەپ اتادى.

ەسكە سالا كەتسەك، وڭتۇستىك كورەيا سوتى 14- جەلتوقساندا پارلامەنتتە يمپيچمەنت جاريالاۋ ناتيجەسىندە وكىلەتتىگى توقتاتىلعان كورەيا رەسپۋبليكاسىنىڭ پرەزيدەنتى يۋن سوك ەلدى تۇتقىنداۋعا جانە ءتىنتۋ جۇرگىزۋگە وردەر بەردى.

پوليتسيا وڭتۇستىك كورەيا پرەزيدەنتىن قاماۋعا الدى.

سوڭعى جاڭالىقتار