يەمەن تەڭىزىندە قايىق اۋدارىلىپ، 20 ادام قايتىس بولدى

استانا. قازاقپارات-  18- قاڭتار كۇنى دجيبۋتيدەن شىققان قايىق يەمەننىڭ تايز پروۆينتسياسى ماڭىنداعى تەڭىزدە اۋدارىلىپ، سالدارىنان 20 ەفيوپيالىق ميگرانت قازا تاپتى. بۇل تۋرالى حالىقارالىق ميگراتسيا ۇيىمى حابارلادى.

ۇيىمنىڭ مالىمدەۋىنشە، قايتىس بولعانداردىڭ ىشىندە 9 ايەل مەن 11 ەر ادام بار. جالپى قايىقتا 35 ەفيوپيالىق ميگرانت، سونداي- اق يەمەندىك كاپيتان مەن ونىڭ كومەكشىسى بولعان.

قايعىلى وقيعا بولعان كەزدە تەڭىزدە قاتتى جەل مەن تولقىن بولعانى اتاپ ءوتىلدى.

حالىقارالىق ميگراتسيا ۇيىمىنىڭ مالىمەتىنشە، 2024 -جىلى يەمەنگە 60 مىڭنان استام زاڭسىز ميگرانت كەلگەن. يەمەننىڭ جاعالاۋ سۋلارى الەمدەگى ەڭ قاۋىپتى ميگراتسيا باعىتتارىنىڭ ءبىرى سانالادى.

2014 -جىلدان بەرى يەمەنگە باعىتتالعان كوشى- قون جولىندا 3435 ءولىم مەن جوعالۋ وقيعاسى تىركەلگەن، ونىڭ ىشىندە 1416 ادام سۋعا باتىپ كەتكەن.

بۇعان دەيىن گرەكيادا ميگرانتتار مىنگەن قايىق اپاتقا ۇشىراپ، 8 ادام قايتىس بولعانىن جازىلعان.