يمانعالي تاسماعامبەتوۆتىڭ اپكەسى ومىردەن ءوتتى
استانا. KAZINFORM - يمانعالي تاسماعامبەتوۆتىڭ اپكەسى نۇرسۇلۋ تاسماعامبەتوۆا ومىردەن ءوتتى.
بۇل تۋرالى ساياساتتانۋشى ەربول ەدىلوۆ تەلەگرام ارناسىندا حابارلادى.
تاسماعامبەتوۆا نۇرسۇلۋ نۇرعالي قىزى - 1950-جىلى 17-قىركۇيەكتە اتىراۋ وبلىسى نوۆوبوگات اۋىلىندا دۇنيەگە كەلگەن. 1970-جىلى الماتى مەديتسينا ينستيتۋتىن پەدياتريا ماماندىعى بويىنشا بىتىرگەن.
ەڭبەك جولىن وڭتۇستىك قازاقستان وبلىسىنىڭ مەديتسينا سالاسىندا بالالار دارىگەرى بولىپ باستادى. ءار جىلدارى بۇرىنعى وڭتۇستىك قازاقستان وبلىسى وبلىستىق سانيتارلىق-ەپيدەميولوگيالىق ستانتسياسىنىڭ باس دارىگەرى، وڭتۇستىك قازاقستان وبلىسىنىڭ دەنساۋلىق ساقتاۋ باسقارماسىنىڭ باستىعى، مەديتسينا عىلىمدارىنىڭ كانديداتى، قازاقستان رەسپۋبليكاسى دەنساۋلىق ساقتاۋ ءىسىنىڭ ۇزدىگى قىزمەتتەرىن اتقاردى.
گيپپوكرات وردەنىنىڭ جانە باسقا دا ماراپاتتاردىڭ يەگەرى، وڭتۇستىك قازاقستان وبلىسى تۇلكىباس اۋدانىنىڭ قۇرمەتتى ازاماتى.
