يمانعالي تاسماعامبەتوۆ: ۋكرايناعا ەۋروپانىڭ بىتىمگەر اسكەرىن ورنالاستىرۋ قاۋىپتى جاعداي تۋدىرۋى مۇمكىن
استانا. KAZINFORM - ۋكراينادا ەۋروپانىڭ بىتىمگەر اسكەرىن ورنالاستىرۋ ايماقتاعى جاعدايدى قيىنداتىپ جىبەرۋى مۇمكىن دەدى ۇ ق ش ۇ- نىڭ باس حاتشىسى يمانعالي تاسماعامبەتوۆ رەسەيلىك «يزۆەستيا» باسىلىمىنا بەرگەن سۇحباتىندا.
«وسى كۇنگە دەيىن بۇل (ەۋروپانىڭ اسكەرى) كونتينگەنت رەسمي تۇردە بولماعان. بۇل ايماقتا قاۋىپتى جاعداي تۋدىرۋى مۇمكىن» دەدى تاسماعامبەتوۆ.
ول ەۋروپا حالقى ۋكرايناعا اسكەري كونتينگەنتتى جىبەرۋگە قارسى بولمايدى دەگەنگە دە كۇمان كەلتىرەدى.
تاسماعامبەتوۆ سۇحباتتا فرانسيانىڭ يادرولىق دەرجاۆا رەتىندە ەۋروپا ەلدەرىن «يادرولىق قالقاعا» الۋ تۋرالى ۇسىنىسىنا دا پىكىر بىلدىرگەن. ول فرانسيانىڭ ساياسي بيلىگى وسىنداي ۇسىنىس ارقىلى «ەۋروپاداعى ءوزىنىڭ پوزيتسياسىن نىعايتقىسى كەلەدى» دەدى.
ارمەنيانىڭ ۇ ق ش ۇ- عا مۇشەلىگى جونىندە «ەريەۆانمەن جۇمىس بويىنشا بايلانىستامىز. ارمەنيا وداقتاس بولىپ قالا بەرەتىنىن جانە ۇيىمنىڭ ەل الدىنداعى مىندەتتەمەلەرى ورنىندا ەكەنىن تاعى ءبىر رەت اتاپ وتكىم كەلەدى» دەدى ول.
ارمەنيا بۇعان دەيىن بۇل ۇيىمعا مۇشەلىگىن ۋاقىتشا توقتاتقان ەدى. ەريەۆان تاۋلى قاراباقتا ازەربايجانمەن قاقتىعىس كەزىندە ۇ ق ش ۇ ارمەنياعا اسكەري كومەك بەرمەگەنىن العا تارتقان. تاسماعامبەتوۆ بىلتىر ەريەۆاننىڭ ۇ ق ش ۇ- عا قاتىسپاۋى اسكەري وداقتىڭ جۇمىسىنا اسەر ەتپەيدى دەگەن.
«ازاتتىق»
