يلون ماسك كومپانياسى قازاقستان اۋىلدارىنداعى 2 مىڭ مەكتەپتى ينتەرنەتكە قوسادى

Интернет
Фото: Фото: интернетдан олинган

  SpaceX كومپانياسى قازاقستان اۋىلدارىنداعى 2000 مەكتەپتى ينتەرنەتپەن قامتاماسىز ەتەدى. kazinform بۇل تۋرالى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنە سىلتەمە جاساپ حابارلايدى.

«الدىن الا كەلىسىم بويىنشا Starlink كومپانياسىمەن SpaceX تەحنولوگياسىنىڭ كومەگىمەن اۋىلداعى 2000 مەكتەپتى ينتەرنەتكە قوسۋ جوسپارلانىپ وتىر.

بۇگىن Digital bridge فورۋمىنىڭ الاڭىندا SpaceX Starlink بيزنەس- وپەراتسيالارى جونىندەگى ديرەكتورى لورەن درەيەر قازاقستانداعى 2000 اۋىلدىق مەكتەپكە جوعارى جىلدامدىقتى ينتەرنەتتى قوسۋ بويىنشا ىنتىماقتاستىقتى ۇسىندى.

ۋاعدالاستىقتاردىڭ كەلەسى كەزەڭدەرى تۋرالى قوسىمشا حابارلاناتىن بولادى»، - دەلىنگەن مينيسترلىكتىڭ باسپا ءسوز قىزمەتى ۇسىنعان مالىمەتتە.

ايتا كەتەيىك، Digital bridge فورۋمى اياسىندا مەملەكەت باسشىسى قاسىم- جومارت توقايەۆ SpaceX كومپانياسىنىڭ Starlink ماسەلەلەرى جونىندەگى ۆيتسە- پرەزيدەنتى لورەن درەيەرمەن كەزدەستى. ل. درەيەر StarLink كومپانياسىنىڭ قازاقستانداعى قىزمەتىن كەڭەيتۋ جونىندەگى جوسپارى، اتاپ ايتقاندا، ەلىمىزدىڭ شالعاي اۋىلدارىن سپۋتنيكتىك ينتەرنەتپەن قامتاماسىز ەتۋ جوباسى تۋرالى ايتتى.

سونداي- اق بۇگىن بەلگىلى بولعانداي، ەلىمىزدە جۇمىسقا قاعاز انىقتاماسىز ورنالاسۋ مۇمكىندىگى جاسالادى.

سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسيننىڭ ايتۋىنشا، الداعى ۋاقىتتا QR- كودپەن جۇمىسقا ورنالاسىپ، ەڭبەك كەلىسىمشارتىنا قول قويۋعا بولادى.

سوڭعى جاڭالىقتار