يلون ماسك ا ق ش ۇكىمەتىنىڭ قىزمەتكەرلەرىن جاپپاي جۇمىستان شىعارامىن دەپ قورقىتىپ جاتىر

استانا. KAZINFORM – ا ق ش- تىڭ جاڭادان قۇرىلعان ۇكىمەتتىك تيىمدىلىك دەپارتامەنتىن (DOGE) باسقاراتىن امەريكالىق ميللياردەر 22-اقپانداعى ارەكەتىن تاعى قايتالادى، دەپ حابارلايدى DW اقپارات اگەنتتىگى.

سول كەزدە ا ق ش فەدەرالدى ۇكىمەتىنىڭ ەكى ميلليوننان استام قىزمەتكەرى DOGE- دان سوڭعى اپتادا جۇمىستا جەتكەن بەس جەتىستىگىن 48 ساعات ىشىندە جازۋدى تالاپ ەتكەن حات الدى.

مەرزىم اياقتالعان كەزدە ماسك X الەۋمەتتىك جەلىسىندە بىلاي دەپ جازدى:

- پرەزيدەنت ولارعا تاعى ءبىر مۇمكىندىك بەرۋى مۇمكىن. ەگەر ولار ەكىنشى رەت جاۋاپ بەرمەسە، جۇمىستان شىعارىلادى.

ماسكتىڭ تالابى كوپتەگەن ۆەدومستۆولاردا، اتاپ ايتقاندا ف ت ب، مەملەكەتتىك دەپارتامەنتتە جانە پەنتاگوندا نارازىلىق تۋدىردى، دەپ اتاپ ءوتتى AP اگەنتتىگى. بۇل ۆەدومستۆولاردىڭ قىزمەتكەرلەرىنە DOGE حاتتارىنا جاۋاپ بەرمەۋ بۇيىرىلدى. مەملەكەتتىك قىزمەتكەرلەردىڭ ادۆوكاتتارى كاليفورنياداعى فەدەرالدى سوتقا ماسكتىڭ ارەكەتىنە قارسى شاعىم ءتۇسىردى.

بۇعان دەيىن ترامپ ماسكتى DOGE جۇمىسىن جانداندىرۋعا شاقىرعان بولاتىن.

- يلون كەرەمەت جۇمىس ىستەيدى. ءبىراق مەن ونىڭ اگرەسسيۆتى ارەكەت ەتە باستاعانىن قالايمىن. ەسىڭىزدە بولسىن، ءبىز ەلىمىزدى ساقتاپ قالىپ، سودان كەيىن ونى بۇرىنعىدان دا گۇلدەندىرۋىمىز كەرەك، - دەپ جازدى ول Truth Social الەۋمەتتىك جەلىسىندە.

كانادادا يلون ماسكتى ازاماتتىقتان ايىرۋدى تالاپ ەتكەن پەتيتسيا باستالعانىن جازعان بولاتىنبىز.