يلون ماسك بالالارعا SpaceX اكسيالارىن تاراتپاق
استانا. KAZINFORM - يلون ماسك الەۋمەتتىك جەلىدە ءوز كومپانيالارىنىڭ اكتيۆتەرىن بالالارعا ۇلەستىرىپ بەرمەك ويى بارىن مالىمدەدى، دەپ حابارلايدى Kazinform اگەنتتىگىنىڭ ۆاشينگتونداعى مەنشىكتى ءتىلشىسى.
- كەلەسى جىلى امەريكاداعى ءار بالاعا ءبىر-بىردەن SpaceX اكتسيالارىن تاراتامىن، - دەپ جاريازدى يلون ماسك X پاراقشاسىندا.
ونىڭ ايتۋىنشا، بۇل كوپتەگەن قايىرىمدىلىق اكسيالارىنىڭ العاشقىسى بولادى.
New York Post باسىلىمىنىڭ جازۋىنشا، ماسك اكتسيالاردى قالاي تاراتۋدى جوسپارلاپ وتىرعانىن ايتپاعان. ءبىراق ول قاراجاتتى «ترامپتىڭ شوتىنا» (Trump Accounts)، ياعني اق ءۇيدىڭ بالالارعا ارنالعان سالىق جەڭىلدىكتەرى بار جاڭا ينۆەستيتسيالىق شوتتارىنا اۋدارۋى مۇمكىن.
بۇل شوتتار 2025-جىلدىڭ قاڭتارى مەن 2028 -جىلدىڭ سوڭى ارالىعىندا ا ق ش- تا تۋىلعان بالالارعا ارنالعان.
قازىرگى ۋاقىتتا باعدارلاما شامامەن 70 ميلليون بالانى قامتيدى. اق ءۇي وسى ايدىڭ باسىندا قارجى ءمينيسترى سكوتت بەسسەنت، سالىق باسقارماسىنىڭ باس ديرەكتورى فرەنك بيزينيانو، فيلانتروپتار، Dell Technologies باسشىلارى مايكل جانە سيۋزان دەلل، سونداي-اق Altimeter Capital ينۆەستيتسيالىق فيرماسىنىڭ نەگىزىن قالاۋشى جانە باس ديرەكتورى برەد گەرستنەر سالىقتان بوساتىلعان باعدارلاماعا «تاريحي ۇلەس» قوسقانىن جاريالادى.
بۇعان دەيىن يلون ماسكتىڭ رەسپۋبليكاشىلداردىڭ سەناتتاعى جەڭىسىن قولداۋ ءۇشىن 158 ميلليون دوللار قايىرىمدىلىق جاساعانى تۋرالى حابارلانعان بولاتىن.
يلون ماسك ترامپتىڭ «سۋپەرينتەللەكت» تۋرالى مالىمدەمەسىنەن كەيىن SpaceXAI اتاۋىن وزگەرتەدى.
