ۇيلەردىڭ ماڭىنداعى ءمايىت: استانا پوليتسياسى اقپاراتتى راستادى
استانا پوليتسيا دەپارتامەنتىنىڭ باسپا ءسوز قىزمەتى كوپقاباتتى ۇيلەرگە جاقىن جەردە ادامنىڭ ءمايىتى تابىلعانىن راستادى، دەپ حابارلايدى kazinform.

«دالادان تابىلعان ءمايىت بويىنشا - زورلىق- زومبىلىق بەلگىلەرى جوق»، - دەلىنگەن رەسمي مالىمەتتە.
اتالعان فاكتى بويىنشا سوتقا دەيىنگى تەرگەپ- تەكسەرۋ باستالعان.
«جەدەل- تەرگەۋ ءىس- شارالارىنىڭ كەشەنى جۇرگىزىلەدى. وقيعانىڭ ءمان- جايى انىقتالىپ جاتىر. ءبىرقاتار ساراپتاما تاعايىندالدى»، - دەدى پوليتسيادان.
سونداي- اق استانا قالاسىنىڭ پوليتسيا دەپارتامەنتى ەلورداداعى كريمينوگەندىك جاعداي تۇراقتى ەكەنىن مالىمدەدى.
«پوليتسەيلەر تاۋلىك بويى قوعامدىق ءتارتىپتى ساقتاۋ جانە قۇقىققا قايشى ارەكەتتەرگە جول بەرمەۋ بويىنشا قىزمەت اتقارۋدا»، - دەلىنگەن ۆەدومستۆو اقپاراتىندا.
ايتا كەتەيىك، بۇگىن الەۋمەتتىك جەلىدە كوپقاباتتى ۇيلەردىڭ ارتىندا ورنالاسقان دالالى جەردە ادامنىڭ مۇردەسى تابىلعانى تۋرالى جازىلدى. قالا تۇرعىندارىنىڭ سوزىنشە، ول اۋماق جارىقتاندىرىلماعان، سول سەبەپتى وندا تۇرعىلىقتى جەرى جوق ادامدار مەن ەسىرتكى جاسىرىپ كەتۋشىلەر كوپ جۇرەدى.