13:53, 03 - شىلدە 2024 | GMT +6
يلحام اليەۆ ش ى ۇ سامميتىنە قاتىسۋ ءۇشىن استاناعا كەلدى
اقتوبە. KAZINFORM - ازەربايجان پرەزيدەنتى يلحام اليەۆ شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ 24-وتىرىسىنا قاتىسۋ ءۇشىن استاناعا كەلدى. اۋەجايدا ونى قازاقستان پرەمەر-ءمينيسترىنىڭ ورىنباسارى قانات بوزىمبايەۆ قارسى الدى.
قازاقستان مەن ازەربايجان اراسىندا بۇگىنگى تاڭدا ەكىجاقتى تاۋار اينالىمىنىڭ تۇراقتى ءوسىمى قامتاماسىز ەتىلگەن. ماسەلەن، 2023 -جىلدىڭ قورىتىندىسى بويىنشا ءوزارا ساۋدا %14,4 عا ءوسىپ، $529,4 ميلليونعا جەتتى. بيىل دا وڭ ءۇردىس ساقتالۋدا: 4 ايدا تاۋار اينالىمى %0,5 عا - $184,9 ميلليونعا دەيىن ءوستى.
بۇدان وزگە، بۇگىندە ازەربايجان اۋماعى ارقىلى ەۋروپا باعىتىندا قازاقستاندىق مۇنايدى جەتكىزۋ جولعا قويىلعان. وسى جىلدىڭ قاڭتار- ءساۋىر ايلارىندا بارلىعى 494 مىڭ توننا مۇناي جونەلتىلدى.
اۆتور
ابىلايحان جۇماشەۆ
