يلحام اليەۆ AZAL ۇشاعىنىڭ اپاتقا ۇشىراۋىنا كىنالى ادامداردى جازالاۋدى تالاپ ەتتى
استانا. KAZINFORM - بۇل تۋرالى ازەربايجان پرەزيدەنتى ۇشاق اپاتىنان قازا تاپقان ەكيپاجدىڭ وتباسى مۇشەلەرىمەن جانە ءتىرى قالعان بورتسەرىكتەرمەن كەزدەسۋدە ايتتى، دەپ حابارلايدى Kazinform اگەنتتىگى ازەرتادج- عا سىلتەمە جاساپ.
- اقتاۋداعى ۇشاق اپاتىنان ازەربايجان ازاماتتارىنىڭ قازا بولۋىنا رەسەي فەدەراتسياسىنىڭ وكىلدەرى كىنالى دەپ سەنىممەن ايتا الامىن. ال ءبىز ادىلدىكتى تالاپ ەتەمىز، كىنالىلەردىڭ جازالانۋىن تالاپ ەتەمىز، تولىق اشىقتىق پەن ادامي مىنەز-قۇلىقتى تالاپ ەتەمىز، - دەدى ازەربايجان پرەزيدەنتى.
يلحام اليەۆ قازىر قارا جاشىكتى تەكسەرۋ پروتسەسى ءجۇرىپ جاتقانىن اتاپ ءوتتى.
- جاقىن ارادا ءبىز الدىن الا ناتيجەنى بىلەتىنىمىزگە سەنىمدىمىن جانە ءبارى ءوز ورنىنا كەلەدى. تراگەديانىڭ بۇكىل كورىنىسى بەلگىلى بولادى. بۇل، ارينە، وسى تراگەديانى تولىق تەرگەۋ جانە ونداعى كىنالىلەردى جازالاۋ ىسىندەگى ماڭىزدى ءسات بولادى، - دەدى ول.
اقتاۋ ماڭىنداعى ۇشاق قۇلاعان جەردەن تاعى ءبىر قارا جاشىك تابىلعانىن جازعان بولاتىنبىز.
25-جەلتوقساندا قازاقستاننىڭ باتىسىنداعى اقتاۋ قالاسى ماڭىنا قۇلاعان ۇشاق جونىندە ءتۇرلى بولجام ايتىلىپ كەلەدى. كولىك مينيسترلىگى ەندى ازەربايجاندىق اۋە كومپانياعا تيەسىلى ۇشاقتىڭ «قارا جاشىگىن» برازيلياعا جىبەرمەك. ۆەدومستۆو نەلىكتەن بۇل شەشىمگە كەلدى؟ Kazinform ءتىلشىسى ۇيعارىمدى ساراپشىلارمەن قوسىلىپ تالداپ كوردى.
