ىلە-الاتاۋ پاركىنە بارۋعا ۋاقىتشا شەكتەۋ قويىلدى

 قونايەۆ. KAZINFORM - ىلە-الاتاۋ مەملەكەتتىك ۇلتتىق تابيعي پاركىنىڭ اۋماعىنا بارۋعا ۋاقىتشا شەكتەۋ قويىلدى. بۇل تۋرالى تالعار اۋدانىنىڭ اكىمدىگى حابارلادى.

- تالعار اۋدانى تۇرعىندارىنىڭ قاۋىپسىزدىگىن قامتاماسىز ەتۋ ماقساتىندا الماتى وبلىسى تالعار اۋدانىنىڭ اكىمى ىلە-الاتاۋ مەملەكەتتىك ۇلتتىق تابيعي پاركىنىڭ اۋماعىنا بارۋدى ۋاقىتشا شەكتەۋ تۋرالى شەشىم قابىلدادى. مۇنداي شەشىم تالعار وزەنىنىڭ سول جاق باسسەينىندە ورنالاسقان مۇزدىق پەن كولدىڭ جاعدايىنا مونيتورينگ جۇرگىزۋگە بايلانىستى قابىلداندى. بۇل شارا تالعار، كەڭدالا، اقتاس ەلدى مەكەندەرى تۇرعىندارىنىڭ قاۋىپسىزدىگىن قامتاماسىز ەتەدى. شەكتەۋلەرگە، رەسمي دەرەككوزدەردە جاريالانعان اقپاراتتى مىندەتتى تۇردە نازار اۋدارۋدى سۇرايمىز،- دەپ حابارلادى اكىمدىكتىڭ باسپا ءسوز قىزمەتى.

سونداي- اق، اۋدان اكىمدىگى اتالعان اۋماق توتەنشە جاعدايلار قىزمەتكەرلەرى مەن «قازسەلدەنقورعاۋ» مەكەمەسى جانە تالعار اۋدانىنىڭ اكىمدىگىنىڭ قىزمەتكەرلەرىنىڭ باقىلاۋىندا ەكەنىن اتاپ ءوتتى.

ايتا كەتەيىك، بۇعان دەيىن الماتى وبلىستىق تۇرعىن-ءۇي باسقارماسىنا جاڭا باسشى تاعايىندالعانىن جازعان ەدىك.