ميكروكرەديت ۇيىمى جابىلسا، قارىز جويىلا ما

قارىزدى رەسىمدەۋ كەزىندە قارىز الۋشى العان اقشالاي قاراجاتتى قايتارۋعا جانە جاسالعان شارتتىڭ تالاپتارىنا سايكەس سىياقى تولەۋگە وزىنە مىندەتتەمە الادى. بۇل مىندەتتەمە م ق ۇ ليتسەنزياسىنان ايىرىلعان، ول تاراتىلعان نەمەسە بانكروت بولعان جاعدايدا دا ساقتالادى.

م ق ۇ-نى ليتسەنزياسىنان ايىرۋ بەرەشەكتىڭ كۇشىن جويمايدى. قارىز الۋشىنىڭ مىندەتتەمەسى م ق ۇ-نىڭ نە ميكروكرەديت بەرۋ تۋرالى شارت بويىنشا قۇقىقتارى (تالاپتارى) بەلگىلەنگەن تارتىپپەن بەرىلگەن جاڭا كرەديتوردىڭ الدىندا ساقتالادى.

وسىلايشا، م ق ۇ-نىڭ قىزمەتىن توقتاتۋدىڭ ءوزى بەرەشەكتى توقتاتۋ نەمەسە ەسەپتەن شىعارۋ ءۇشىن نەگىز بولىپ سانالمايدى.

فوتو: باسەكەلەستىكتى قورعاۋ جانە دامىتۋ اگەنتتىگى

ميكروكرەديتتى كىم جانە قالاي وتەيدى؟

ەگەر شارت بويىنشا قۇقىقتار (تالاپتار) باسقا كرەديتورعا بەرىلمەسە، قارىز الۋشى شارتتىڭ تالاپتارىنا سايكەس جانە وندا كورسەتىلگەن دەرەكتەمەلەر بويىنشا مىندەتتەمەلەرىن ورىنداۋدى جالعاستىرادى.

ەگەر بەرەشەك باسقا قارجى ۇيىمىنا نەمەسە كوللەكتورلىق اگەنتتىككە بەرىلسە جانە تولەم دەرەكتەمەلەرى وزگەرسە، قارىز الۋشى كرەديتوردىڭ وزگەرگەنى جانە مىندەتتەمەلەردى ورىنداۋ ءتارتىبى تۋرالى تيىسىنشە حابارلانۋى كەرەك.

م ق ۇ-نىڭ جابىلۋى نەمەسە ليتسەنزياسىنان ايىرىلۋى تۋرالى اقپارات نەگىزىندە عانا تولەمدەردى توقتاتۋعا بولمايدى. تولەمدى جۇزەگە اسىرماس بۇرىن شارت بويىنشا تالاپ ەتۋ قۇقىعىنىڭ كىمگە تيەسىلى ەكەندىگىنە جانە دەرەكتەمەلەردىڭ وزەكتى بولۋىنا كوز جەتكىزۋ قاجەت.

2026 -جىلعى 1-قىركۇيەكتەگى جاعداي بويىنشا قازاقستاندا 217 م ق ۇ جۇمىس ىستەيدى. 2026 -جىلدىڭ باسىنان باستاپ 8 م ق ۇ-نىڭ ليتسەنزياسى كەرى قايتارىلدى، تاعى 2 ليتسەنزيا توقتاتىلا تۇردى.

قانداي جاعدايلاردا م ق ۇ-نىڭ ليتسەنزياسى توقتاتىلا تۇرۋى نەمەسە كەرى قايتارىلۋى مۇمكىن؟

م ق ۇ-نى ليتسەنزياسىنان ايىرۋ نەمەسە ونىڭ قولدانىلۋىن توقتاتا تۇرۋ ءۇشىن زاڭناما تالاپتارىن جۇيەلى تۇردە بۇزۋ، سونداي-اق پرۋدەنتسيالىق جانە وزگە دە نورماتيۆتەردى ساقتاماۋ نەگىز بولىپ سانالادى.

ميكروكرەديتتى راسىمدەمەس بۇرىن م ق ۇ-نىڭ ليتسەنزياسىن قالاي تەكسەرۋگە بولادى؟

ميكروكرەديت الماس بۇرىن ۇيىمنىڭ ميكروقارجىلىق قىزمەتتى جۇزەگە اسىرۋعا قولدانىستاعى ليتسەنزياسى بار ەكەنىنە كوز جەتكىزۋ قاجەت. ليتسەنزيالانعان م ق ۇ تۋرالى اقپارات اگەنتتىكتىڭ سايتىندا قولجەتىمدى.

ايتا كەتەيىك، م ق ۇ-مەن كەلىسپەۋشىلىكتەر تۋىنداعان كەزدە قارىز الۋشى ميكروقارجى ومبۋدسمانىنا جۇگىنە الادى. قارىز الۋشىلار ءۇشىن ميكروقارجى ومبۋدسمانىنىڭ قىزمەتتەرى تەگىن.