ىشكى ىستەر ورگاندارى قىزمەتكەرلەرى ەسىرتكى سكرينينگىنەن ءوتىپ جاتىر

استانا. KAZINFORM - ەلىمىزدە ىشكى ىستەر ورگاندارىنىڭ قىزمەتكەرلەرى ەسىرتكى قولدانۋ مۇمكىندىگىن انىقتايتىن سكرينينگ تاپسىردى.

بۇل تۋرالى Kazinform اگەنتتىگىنىڭ ساۋالىنا ىشكى ىستەر مينيسترلىگى جولداعان جاۋاپتا ايتىلعان.

«ق ر ۇكىمەتىنىڭ ەسىرتكى جانە ەسىرتكى بيزنەسىنە قارسى 2023-2025 -جىلدارعا ارنالعان كەشەندى كۇرەس جوسپارى شەڭبەرىندە ىشكى ىستەر ورگاندارى قىزمەتكەرلەرى اراسىندا ناركو- سكرينينگ (ەسىرتكى قولدانۋدى انىقتايىن تەست) جۇزەگە اسىرىلادى. بۇل قىزمەت اقىلى، سوندىقتان تەستىلەۋدەن ءوتۋ- وتپەۋ اركىمنىڭ ءوز ەركىندە. دەگەنمەن ءار قىزمەتكەر ءوز جاۋاپكەرشىلىگىن سەزىنىپ، تەكسەرۋدەن وتكەنى ابزال»، - دەلىنگەن رەسمي ساۋال جاۋابىندا.

سونداي- اق، اقپاراتتا ءى ءى م قىزمەتكەرلەرى ءۇشىن ەسىرتكى قولدانۋدى انىقتايتىن تەستىلەۋدى مىندەتتى مەديتسينالىق تەكسەرىس قاتارىنا ەنگىزۋ ماسەلەسى قاراستىرىلىپ جاتقانى ايتىلعان.

«بۇگىندە جەكە قۇرامنىڭ %82,5 ى ەسىرتكىگە قارسى سكرينينگتەن ءوتتى. ونىڭ قورىتىندىسى بويىنشا پوليتسيا، ۇلتتىق ۇلان جانە قىلمىستىق اتقارۋ جۇيەسى قىزمەتكەرلەرىنىڭ %0,2 نان وڭ بەلگى بايقالدى»، - دەيدى ۆەدومستۆودان.

سونداي-اق، ىشكى ىستەر مينيسترلىگىنەن ناركو-سكرينينگتەن وتكەن قىزمەتكەرلەر جايلى اقپارات ەش جەردە جاريالانبايتىنىن ەسكەرتتى.