ىشكى ىستەر مينيسترلىگى شەتەلدەگى قازاقستاندىقتارعا الاياقتىقتىڭ جاڭا ءتۇرى تۋرالى ەسكەرتتى
استانا. KAZINFORM - ىشكى ىستەر مينيسترلىگى شەتەلدەگى قازاقستاندىقتارعا الاياقتىقتىڭ جاڭا ءتۇرى تۋرالى ەسكەرتتى. بۇل تۋرالى Polisia.kz جازدى.

ءبىزدىڭ مىڭداعان ازاماتتارىمىز شەتەلدەردە وقۋدا نەمەسە جۇمىستا. ولار ءوزارا Telegram جانە WhatsApp-چاتتارىن قۇرىپ، اقپارات الماسىپ، ءبىر- بىرىنە كومەكتەسەدى. مۇنى الاياقتار دا پايدالانۋى مۇمكىن. قاسكويلەر وسىنداي چاتتارعا قوسىلىپ، وزدەرىن قازاقستاندىق ازامات رەتىندە تانىستىرىپ، ادەتتەگىدەن ءتيىمدى شارتتارمەن ۆاليۋتا ايىرباستاۋ قىزمەتىن ۇسىنادى. ءبىراق اقشانى اۋىستىرعىسى كەلەتىندەردى بايلانىستىرماي، الاياقتار كريپتوۆاليۋتا ساتۋمەن اينالىساتىن ادامداردىڭ نەمەسە دروپتاردىڭ شوتتارىن جىبەرەدى. تۇسكەن قاراجاتتى العاننان كەيىن ولار حات- حابارلاردى ءوشىرىپ، چاتتاردان شىعىپ كەتەدى. كورەيادا، قىتايدا جانە ا ق ش- تا وسىلاي الداۋ جاعدايلارى ورىن الدى.
- ازاماتتاردى ساق بولۋعا جانە كۇماندى ۇسىنىستاردى قابىلداماۋعا شاقىرامىز، - دەدى ۆەدومستۆودا.
ەسكە سالا كەترەيىك، بۇعان دەيىن ۇلتتىق بانكتىڭ الاياقتىقپەن كۇرەس ورتالىعى 6 ايداعى ناتيجەسىن جاريالاعانىن جازعان بولاتىنبىز.