20:30, 25 - قاراشا 2024 | GMT +6
ىشكى ىستەر مينيسترلىگى ازاماتتىق الۋعا قاتىستى اقپاراتقا تۇسىنىك بەردى
استانا. قازاقپارات – ءى ءى م قازاقستاندىقتارعا ەسكەرتۋ جاسادى.
ينتەرنەتتە ىشكى ىستەر ورگاندارىندا ءبىرقاتار كوشى-قون قىزمەتتەرىن الۋ، ونىڭ ىشىندە ازاماتتىققا قابىلداۋ، قۇجاتتاردى جيناۋ جانە رەسىمدەۋ قىزمەتتەرىن كورسەتەتىن كومپانيالاردىڭ جارنامالارى جاريالانا باستاعان.
بۇل فيرمالار ازاماتتىقتى دا، جەكە باسىن كۋالاندىراتىن قۇجاتتاردى دا بەرمەيدى. وسىعان بايلانىستى ءى ءى م وسى سالاداعى ينتەرنەت ارقىلى الاياقتىقتىڭ ىقتيمال جاعدايلارى تۋرالى ەسكەرتەدى.
قازاقستان ازاماتتىعىن الۋ ءۇشىن ءوتىنىش بىلدىرۋشىلەر ىشكى ىستەر ورگاندارىنا جەكە ءوزى جۇگىنۋگە ءتيىس. بۇل رەتتە قۇجاتتاردى سەنىمحات بويىنشا نەمەسە ءۇشىنشى تۇلعالار ارقىلى بەرۋگە تىيىم سالىنادى.
