ۆيدەوكامەراعا ءتۇسىپ قالعان: استانادا اۆتوكولىك ۇرلاعان ەر ادام ۇستالدى

استانا. KAZINFORM - ەلوردادا پوليسيا قىزمەتكەرلەرى بوتەننىڭ كولىگىن ايداپ اكەتكەن ادامدى ۇستادى، - دەپ حابارلايدى Polisia.kz.

شاعىمدانۋشىنىڭ ايتۋىنشا، مەرەكە كۇندەرى ول تۇرعىندارعا جاڭا جىلدىق سىيلىقتارىن ۇلەستىرىپ جۇرگەن.

سىيلىق العان ادامداردىڭ ۇيىنە بىرنەشە مينۋتقا كىرىپ شىققان ول اۆتوكولىگىن قوسۋلى كۇيىندە قالدىرىپ وتىرعان. كەلەسى ءبىر جەتكىزىلىمنەن كەيىن كىرەبەرىستەن شىققاندا Nissan Cefiro اۆتوكولىگىنىڭ جوعالىپ كەتكەنىن بايقاعان. وسى جاعدايدان كەيىن ول دەرەۋ پوليسياعا حابارلاسقان.

تەكسەرۋ بارىسىندا انىقتالعانداي، ەر ادام ماس كۇيىندە قوسۋلى تۇرعان اۆتوكولىكتى كورىپ، ەش كەدەرگىسىز ايداپ كەتكەن.