«ياندەكس. تاكسي» جۇرگىزۋشىلەرىنە ارنالعان پيلوتتىق جوبا ىسكە قوسىلدى

яндекс такси
Фото: Янедкс Такси/Facebook

  استانا. KAZINFORM - استانا مەن الماتى قالاسىندا «ياندەكس. تاكسي» موبيلدى قوسىمشاسى ارقىلى كليەنتتەردى جەتكىزەتىن جۇرگىزۋشىلەرگە ارنالعان جاڭا جوبا قولعا الىندى.

بۇل تۋرالى قارجى ۆيتسە-ءمينيسترى ەرجان ءبىرجانوۆ ءمالىم ەتتى.

«مەملەكەتتىك كىرىستەر كوميتەتى ياندەكس تاكسي قىزمەتىمەن بىرلەسىپ استانا جانە الماتى قالاسىندا تاكسي جۇرگىزۋشىلەرىنە ارنالعان پيلوتتىق جوبانى ىسكە قوستى. جوباعا 4400 دەن استام تاكسي جۇرگىزۋشىسى قاتىسىپ جاتىر. وسى جىلدىڭ قاڭتار ايىندا 2800 دەن استام تاكسيست قوسىلدى»،- دەدى ەرجان ءبىرجانوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، پيلوتتىق جوبا جىل سوڭىنا دەيىن جۇزەگە اسىرىلادى.

سونداي-اق، بريفينگ بارىسىندا الداعى ۋاقىتتا Glovo, Wolt, InDrive تاعى سول سياقتى كليەنتتەرگە قىزمەت كورسەتەتىن كومپانيالاردى پيلوتتىق جوباعا قاتىستىرۋ جوسپارى تۋرالى ايتىلدى.

ودان بولەك، تاكسي جۇرگىزۋشىلەرى ءۇشىن پيلوتتىق جوبانىڭ ارتىق تۇستارى ءتۇسىندىرىلدى:

- تاكسوپاركتەردىڭ دەلدالدىق قىزمەتتەرىن الىپ تاستاۋ، بۇل اقشا قاراجاتىن ۇنەمدەۋگە جانە ولاردى سالىقتار مەن الەۋمەتتىك تولەمدەردى تولەۋگە باعىتتاۋعا مۇمكىندىك بەرەدى. تيىسىنشە، جۇرگىزۋشى الەۋمەتتىك قامسىزداندىرۋ جۇيەسىنە تارتىلادى؛

- جەكە كاسىپكەر رەتىندە تىركەۋدى وڭايلاتۋ (مەملەكەتتىك كىرىستەر ورگاندارىنا بارماي) ؛

- ناقتى الىنعان كىرىستىڭ %1 مولشەرىندە سالىق تولەۋ (ال قىزمەتكەردىڭ كىرىسىنەن سالىق %10 مولشەرىندە ۇستالادى)؛

- سالىق ەسەپتىلىگىن ۇسىنۋ بويىنشا مىندەتتەمەلەردىڭ بولماۋى.

سوڭعى جاڭالىقتار