نيۋ-يوركتە زەلەنسكي مەن ترامپ كەزدەستى
استانا. قازاقپارات – 22-قىركۇيەك، سەيسەنبى كۇنى نيۋ-يوركتە ب ۇ ۇ باس اسسامبلەياسىنىڭ 81-سەسسياسى اياسىندا ۋكراينا جانە ا ق ش پرەزيدەنتتەرى ۆلاديمير زەلەنسكي مەن دونالد ترامپ كەزدەستى، دەپ حابارلايدى Kazinform DW- گە سىلتەمە جاساپ.
كەلىسسوزدەر 40 مينۋتقا سوزىلدى.
زەلەنسكي ترامپپەن وتكەن جابىق فورماتتاعى كەزدەسۋدى «پوزيتيۆتى جانە ناتيجەلى» دەپ اتادى. ونىڭ ايتۋىنشا، تاراپتار ديپلوماتيالىق پروتسەستى العا جىلجىتۋ شارتتارىن تالقىلادى. زەلەنسكي سونىمەن قاتار ا ق ش پرەزيدەنتى ۋكرايناداعى قاقتىعىستى قىسقا دەيىن توقتاتۋعا كومەكتەسەتىنىنە ءۇمىت ءبىلدىردى.
ۋكراينا پرەزيدەنتى كيەۆتىڭ كەز كەلگەن ەنەرگەتيكالىق بىتىمگە كەلۋگە دايىن ەكەنىن مالىمدەدى.
زەلەنسكي سونىمەن قاتار اق ءۇي باسشىسى رەسەي پرەزيدەنتى ۆلاديمير پۋتينمەن ءۇشجاقتى كەزدەسۋ ۇيىمداستىرا الادى دەپ ۇمىتتەنەتىنىن ءبىلدىردى.
ەسكە سالا كەتەيىك، ترامپ ا ق ش وكىلدەرىنىڭ ب ۇ ۇ باس اسسامبلەياسى اياسىندا يران دەلەگاتسياسىمەن ءۇش ساعات بويى «وتە ناتيجەلى» كەزدەسۋ وتكىزگەنىن جەتكىزدى.
نۇرلان تۇياقوۆ
