نيۋ-يوركتە عيمارات وپىرىلىپ، ءبىر ادام قازا تاپتى

بۇل تۋرالى ەڭ الدىمەن CNN تەلەارناسى نيۋ-يورك ءورت ءسوندىرۋ دەپارتامەنتىنە (FDNY) سىلتەمە جاساپ حابارلاعان.

دەپارتامەنتتىڭ مالىمەتىنشە، عيماراتتىڭ وپىرىلۋى سالدارىنان ءبىر ادام كوز جۇمدى.

عيمارات برۋكليننىڭ وڭتۇستىگىندەگى نەگىزىنەن تۇرعىن ۇيلەر ورنالاسقان فلەتبۋش اۋدانىندا تۇر. وقيعا جەرگىلىكتى ۋاقىت بويىنشا ساعات 16:00 (استانا ۋاقىتىمەن 02:00) شاماسىندا بولعان.

قازىر قۇتقارۋشىلار ءۇيىندى استىندا ادامدار قالۋى مۇمكىن دەگەن بولجاممەن ىزدەستىرۋ جۇمىستارىن جۇرگىزىپ جاتىر. وقىس وقيعادان ازىرگە ەكى ادام زارداپ شەككەنى انىقتالدى. ولار دارىگەرلەردىڭ باقىلاۋىنا تاپسىرىلدى.

ايتا كەتەيىك، كاپپادوكيادا جارتاس وپىرىلىپ، ەكى ادام قازا تاپتى.

بۇعان دەيىن پاكىستاندا مەكتەپ شاتىرى وپىرىلىپ، 34 وقۋشى مەن مۇعالىم مەرت بولعان ەدى.