ەندى وقۋ ءىسىنىڭ مەڭگەرۋشىلەرى ساباق كەستەسىن ساناۋلى مينۋتتا قۇرا الادى

Bilim Group EdTech ەكوجۇيەسى ازىرلەگەن تەگىن BilimClass ەلەكتروندىق جۋرنالىندا مەكتەپ پەن مۇعالىم ءۇشىن ماڭىزدى تۇستاردى ەسكەرىپ، كەستەنى وزدىگىنەن قالىپتاستىراتىن كونسترۋكتور پايدا بولدى. سىنىپ سانى 100 گە جەتەتىن مەكتەپتەر ءۇشىن جۇيە دايىن كەستە نۇسقاسىن ءبىر مينۋتتان اسپايتىن ۋاقىت ىشىندە قۇراستىرادى. BilimClass ازىرلەمەسىنىڭ جەتەكشىسى فارحات ۇسەن جاڭا فۋنكتسيانىڭ ناقتى قالاي جۇمىس ىستەيتىنىن جانە نەلىكتەن ونىڭ مىڭداعان مۇعالىمنىڭ جۇمىسىن جەڭىلدەتەتىنىن ايتىپ بەردى.

ساباق كەستەسىن ءبىر مينۋتتا ازىرلەۋ - ەندى وڭاي

بۇعان دەيىن كەستەگە جاۋاپتى مامان ونى ەلەكتروندىق كەستەلەردە نەمەسە سىرتقى باعدارلامالاردا قۇراستىرىپ، ەلەكتروندىق جۋرنالعا دايىن كۇيىندە كوشىرەتىن. ەندى كەستەنى جۇيەنىڭ وزىندە قالىپتاستىرىپ، وزگەرىستەردى دايىن كەستەگە ەنگىزۋگە بولادى. بۇدان بولەك، جۇيە كەستەنى قولمەن جاساعاندا ءجيى كەتەتىن قاتەلىكتەردى شەشەدى: مۇعالىمنىڭ دە، ساباقتىڭ دا قاباتتاسىپ كەتۋىنە جول بەرمەيدى.

BilimClass ازىرلەمەسىنىڭ جەتەكشىسى فارحات ۇسەننىڭ ايتۋىنشا، كەستەنى اۆتوماتتى تۇردە قۇراستىرۋ كەزىندە جۇيە سانيتارلىق تالاپتاردى قاتاڭ ەسكەرەدى: وقۋ جۇكتەمەسىن اپتا كۇندەرىنە تەڭ بولەدى جانە كۇردەلىلىگى جوعارى پاندەردى ءبىر سىنىپقا كۇنىنە ەكى رەت قويمايدى.

كابينەت تاڭداعاندا الدىمەن مۇعالىمگە بەكىتىلگەن بولمە، سودان كەيىن پانگە ارنالعان ارنايى كابينەت، ال ولار بوس بولماسا، امبەباپ كابينەت ەسەپكە الىنادى. ەگەر سىنىپ توپقا بولىنسە، جۇيە ءبىر ءپان بويىنشا ساباقتاردى ءبىر ۋاقىتقا قويادى، بۇل رەتتە ءار توپتىڭ ءوز مۇعالىمى مەن كابينەتى ساقتالادى. كەستەنى ءبولۋدى باستاماس بۇرىن كونسترۋكتور ەنگىزىلگەن مالىمەتتەردى تەكسەرىپ، قاي اقپاراتتىڭ جەتىسپەيتىنىن كورسەتەدى: بارلىق ەسكەرتۋ ەسكەرىلمەيىنشە، كەستەنى قۇراستىرۋ پروتسەسى باستالمايدى.

كەستەنىڭ تۇپكىلىكتى نۇسقاسىن جاۋاپتى مامان ءوزى بەكىتەتىنىن اتاپ وتكەن ءجون. جۇيە بولە الماعان ساباقتار سەبەبىمەن بىرگە (مۇعالىمنىڭ، بوس ۋاقىتتىڭ نەمەسە كابينەتتىڭ تاپشىلىعى) بولەك تىزىمگە شىعارىلادى. كەستەگە جاۋاپتى مامان مالىمەتتەردى تۇزەتىپ، تەك بولىنبەي قالعان ساباقتاردى قايتا قاراۋعا جىبەرەدى، ال كەستەنىڭ دايىن بولىگى مەن ەنگىزىلگەن وزگەرىستەر اۆتوماتتى تۇردە ساقتالىپ وتىرادى. بۇدان بولەك، بەلگىلى ءبىر ساباقتى ناقتى كۇن مەن ۋاقىتقا بەكىتىپ قويۋعا بولادى، ال قالعان كەستە سوعان ىڭعايلاستىرىلىپ قۇرىلادى. سونداي-اق كەستە رەسمي تۇردە جاريالانعانعا دەيىن ونى مۇعالىمدەر دە، وقۋشىلار دا كورە المايدى.

- بىزدە بار دەرەكتەر بويىنشا، 71 سىنىبى، 178 پەداگوگى بار مەكتەپتەردە كەستەنى قولمەن قۇراستىرۋ ەكى-ءۇش اپتاعا سوزىلادى جانە ساباقتاردىڭ قاباتتاسپاۋىن ۇنەمى قاداعالاپ وتىرۋدى تالاپ ەتەدى. كونسترۋكتوردىڭ كومەگىمەن 100 سىنىبى بار مەكتەپتەردە كەستەنى قالىپتاستىرۋ ءبىر مينۋتتان اسپايدى جانە ساباقتاردىڭ كەم دەگەندە 85 پايىزى ءبىرىنشى رەتتەن-اق ەش تۋزەتۋسىز بولىنەدى. سونىمەن قاتار كەستەنى قولمەن جەتىلدىرۋگە بولادى، ال كەستە بويىنشا تۇپكىلىكتى شەشىمدى ديرەكتوردىڭ ورىنباسارى قابىلدايدى، - دەيدى فارحات ۇسەن.

بۇگىنگى تاڭدا BilimClass-تى قازاقستاننىڭ 16 وڭىرىندە 2,75 ميلليون وقۋشى، 307 مىڭ پەداگوگ جانە 6000 نان استام مەكتەپ پايدالانادى. 2026 -جىلدىڭ كوكتەمىندە مۇعالىمدەر مەن اتا-انالار اراسىندا جۇرگىزىلگەن ساۋالناما پايدالانۋشىلاردىڭ پلاتفورمانىڭ قولايلىلىق پەن جەكە دەرەكتەردىڭ قورعالۋىن جوعارى باعالايتىنىن كورسەتكەن.