ەگىن جيناۋ قارقىنى بىلتىرعىدان ەكى ەسە جوعارى - ورتاشا ونىمدىلىك گەكتارىنان 14,6 سەنتنەر
استانا. KAZINFORM - جاپپاي ەگىن جيناۋ ناۋقانى ەلىمىزدىڭ بارلىق نەگىزگى اگرارلىق ايماقتارىندا 2026 -جىلدىڭ 15-تامىزىندا باستالدى، دەپ حابارلايدى ۇكىمەتتىڭ باسپا ءسوز قىزمەتى.
اۋىل شارۋاشىلىعى مينيسترلىگىنىڭ مالىمەتىنشە، بۇگىنگى تاڭدا 2,6 ميلليون گەكتاردان ءداندى داقىلدار جينالدى. سالىستىرۋ ءۇشىن ايتساق، وتكەن جىلدىڭ سايكەس كەزەڭىندە بۇل كورسەتكىش 1,3 ميلليون گەكتار بولعان ەدى. 17-تامىزداعى مالىمەت بويىنشا ورتاشا ونىمدىلىك گەكتارىنان 14,6 سەنتنەردى قۇرادى.
اۋىل شارۋاشىلىعى داقىلدارىنىڭ نەگىزگى تۇرلەرى بويىنشا وڭ ديناميكا بايقالادى. ءارتاراپتاندىرۋ شەڭبەرىندە بيدايدىڭ ەگىستىك القاپتارى 875 مىڭ گەكتارعا قىسقارتىلدى. سوعان قاراماستان جالپى ءونىم كولەمى ءوسىپ كەلەدى. بۇل ءار گەكتاردان الىناتىن ءونىمنىڭ ارتىپ، قولدانىستاعى ەگىستىك القاپتاردىڭ تيىمدىرەك پايدالانىلىپ وتىرعانىن كورسەتەدى.
باسقا دا نەگىزگى داقىلدار بويىنشا بۇگىنگى تاڭدا 513 مىڭ توننا كارتوپ، 1,1 ميلليون توننا كوكونىس جانە 1,6 ميلليون توننا باقشا داقىلدارى جينالدى.
وسىعان دەيىن بيىل جالپى جينالاتىن ەگىس القابى 24,2 ميلليون گەكتار بولسا، ونىڭ 15,6 ميلليون گەكتارى ءداندى جانە بۇرشاقتى داقىل ەكەنىن جازدىق.
