20:06, 12 - ءساۋىر 2022 | GMT +5
وميكرون XL شتامىن جۇقتىرعان العاشقى ناۋقاس تىركەلدى
سەۋل. قازاقپارات - وڭتۇستىك كورەيا بيلىگى كوروناۆيرۋستىڭ وميكرون XL شتامىن جۇقتىرۋدىڭ ءبىرىنشى دەرەگى تىركەلگەنىن راستادى.
بۇل تۋرالى ەلدىڭ جۇقپالى اۋرۋلارمەن كۇرەس جونىندەگى شتابى ءمالىم ەتتى، دەپ حابارلايدى قازاقپارات «رەنحاپ» اگەنتتىگىنە سىلتەمە جاساپ.
XL گيبريدتى شتامىن جۇقتىرعان ناۋقاس 23- ناۋرىزدا قايتا ەگىلگەن. ودان اۋرۋدىڭ بەلگىلەرى قاتتى بايقالمايدى.
كورەيا اۋرۋلاردى باقىلاۋ جانە الدىن الۋ اگەنتتىگىنىڭ مالىمەتتەرىنە سايكەس، ەلدە COVID-19 ينفەكسياسىن 210755 ادام جاڭادان جۇقتىرعان.
ناۋقاستار سانى 15635274 ادامعا جەتىپ وتىر. ەلدىڭ قوعامدىق دەنساۋلىق ساقتاۋ اگەنتتىگىنىڭ حابارلاۋىنشا، 171 ناۋقاس قايتىس بولعان.
ال، بۇعان دەيىن ءۇندىستاندا وميكرون XE كوروناۆيرۋسىنىڭ جاڭا ءتۇرى تىركەلگەن بولاتىن.
