XIV لەو ا ق ش- تاعى سايلاۋدا داۋىس بەرگەن العاشقى ريم پاپاسى بولۋى مۇمكىن
استانا. KAZINFORM - ريم پاپاسى XIV لەو 3-قاراشادا وتەتىن ا ق ش كونگرەسىنە ارالىق سايلاۋدا پوشتا ارقىلى داۋىس بەرۋ ءۇشىن بيۋللەتەن سۇراتقان. ەگەر پونتيفيك داۋىس بەرسە، ول باسقا مەملەكەتتەگى سايلاۋعا قاتىسقان العاشقى قىزمەتتەگى كاتوليك شىركەۋىنىڭ باسشىسى اتانۋى مۇمكىن.
بۇل تۋرالى Kazinform اگەنتتىگى Euronews باسىلىمىنا سىلتەمە جاساپ حابارلادى.
باسىلىمنىڭ مالىمەتىنشە، بيۋللەتەن الۋعا ءوتىنىش 3-قازاندا ا ق ش- تىڭ يللينويس شتاتىنداعى ۋيلل وكرۋگىنىڭ اكىمشىلىگىندە تىركەلگەن.
پونتيفيك سايلاۋشىلار تىزىمىنە ءوزىنىڭ شىن ەسىمى روبەرت فرەنسيس پريەۆوستپەن ەنگىزىلگەن. ول نيۋ-لەنوكس قالاسىندا تۇراتىن اعاسى دجوننىڭ مەكەنجايى بويىنشا تىركەلگەن. XIV لەو ا ق ش، پەرۋ جانە ۆاتيكان ازاماتتىعىنا يە.
بۇل تۋرالى العاش رەت 23-قازاندا جەرگىلىكتى WJOL راديوستانتسياسى حابارلاعان. ونىڭ مالىمەتىنشە، ءوتىنىشتى پونتيفيكتىڭ جاقىن ورتاسىنداعى وكىلدەردىڭ ءبىرى بەرگەن.
ريم پاپاسىنىڭ تولتىرىلعان بيۋللەتەندى جىبەرگەن-جىبەرمەگەنى ازىرشە بەلگىسىز. ونىڭ داۋىس بەرگەنى راستالسا، XIV لەو باسقا مەملەكەتتىڭ سايلاۋىنا قاتىسقان العاشقى قىزمەتتەگى پونتيفيك بولۋى مۇمكىن.
XIV لەو ا ق ش كونگرەسىنىڭ وكىلدەر پالاتاسى مەن يللينويس شتاتى سەناتىنا، سونداي-اق شتات گۋبەرناتورى مەن جەرگىلىكتى بيلىك ورگاندارىنا سايلاۋعا قاتىسۋعا قۇقىلى.
Euronews- ءتىڭ جازۋىنشا، كاتوليك شىركەۋىنىڭ باسشىسى بولىپ سايلانعانعا دەيىن روبەرت پريەۆوست ا ق ش- تاعى سايلاۋلارعا بىرنەشە رەت قاتىسقان. ول 2012، 2014، 2018 جانە 2024-جىلدارداعى جالپىحالىقتىق سايلاۋلاردا داۋىس بەرگەن. سونداي-اق دەموكراتيالىق جانە رەسپۋبليكالىق پارتيالاردىڭ باستاپقى سايلاۋىنا قاتىسقان.
الايدا قىزمەتتەگى پونتيفيكتىڭ باسقا مەملەكەتتىڭ سايلاۋىنا قاتىسۋى ونىڭ ۆاتيكان باسشىسى رەتىندەگى مارتەبەسىنە قاتىستى سۇراقتار تۋىنداتادى. لاتەران كەلىسىمىنە سايكەس، قاسيەتتى تاق مەملەكەتتەر اراسىنداعى زايىرلى داۋلارعا ارالاسپاۋ قاعيداتىن ۇستانادى.
ەسكە سالايىق، بۇعان دەيىن Kazinform حالىقارالىق شولۋشىسى 3-قاراشادا وتەتىن ا ق ش- تاعى ارالىق سايلاۋ دونالد ترامپتىڭ ساياسي جاعدايىنا قالاي اسەر ەتۋى مۇمكىن ەكەنىن تۇسىندىرگەن ەدى. داۋىس بەرۋ كەزىندە امەريكالىقتار وكىلدەر پالاتاسىنىڭ بارلىق مۇشەسى مەن سەناتتىڭ 35 مۇشەسىن سايلايدى.
