10:46, 07 - ءساۋىر 2022 | GMT +6
ءۇندىستاندا وميكرون XE كوروناۆيرۋسىنىڭ جاڭا ءتۇرى تىركەلدى
نۇر- سۇلتان. قازاقپارات - ءۇندىستاننىڭ قارجىلىق استاناسى مۋمباي قالاسىندا بۇگىن XE كوروناۆيرۋسىنىڭ «وميكرون» شتامىنىڭ كىشى ءتۇرىن جۇقتىرۋدىڭ العاشقى جاعدايى تىركەلدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.
وميكرون شتامىنا قاراعاندا جۇقپالى دەپ ەسەپتەلەتىن بۇل جاڭا نۇسقا العاش رەت ۇلى بريتانيادا تابىلدى. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، جاڭا مۋتاتسيا كوروناۆيرۋستىڭ «وميكرون» شتامىنىڭ BA.2 قوسالقى تۇرىنە قاراعاندا جۇقپالىلىعى شامامەن 10 پايىزعا جوعارى. وسى ۋاقىتقا دەيىن كوروناۆيرۋس شتامىنىڭ وميكرون BA.2 ءتۇرى COVID-19-دىڭ بارلىق نۇسقالارىنىڭ ىشىندەگى ەڭ جۇقپالىسى بولىپ سانالىپ كەلگەن.
