22:30, 16 - ءساۋىر 2024 | GMT +5
وزبەكستاننىڭ تۇراقتى حالقىنىڭ سانى 37 ميلليونعا جۋىقتادى
تاشكەنت. KAZINFORM - وزبەكستاندا 2024-جىلعى 1-ساۋىردەگى جاعداي بويىنشا رەسپۋبليكانىڭ تۇراقتى تۇرعىندارىنىڭ سانى 36963262 ادام بولعان. بۇل تۋرالى وزبەكستان پرەزيدەنتى جانىنداعى ستاتيستيكا اگەنتتىگى حابارلادى.
16-ساۋىردە بۇل سان 36990128 بولدى.
رەسپۋبليكانىڭ تۇراقتى تۇرعىندارىنىڭ سانى وتكەن جىلدىڭ سايكەس كەزەڭىمەن سالىستىرعاندا 2,1 پايىز ءوستى.
2024-جىلدىڭ باسىنان بەرى حالىق سانى 163500 ادامعا ارتقان.
وزبەكستان حالقى 2024-جىلدىڭ ءار ايىندا ورتا ەسەپپەن 54,5 مىڭ ادامعا كوبەيىپ جاتىر.
2024-جىلدا ءار كۇن سايىن تۇراقتى تۇرعىندارىنىڭ سانى ورتا ەسەپپەن 1,8 مىڭ ادامعا ارتىپ وتىر.
2024-جىلدىڭ قاڭتار ايىندا وزبەكستان حالقىنىڭ سانى 36,8 ميلليونعا جۋىقتاعان ەدى.
