وزبەكستاننىڭ بىرنەشە وڭىرىندە ۋران كەنى تابىلدى

تاشكەنت. KAZINFORM - وزبەكستاننىڭ 6 وبلىسىندا ۋراننىڭ جاڭا كەن ورىندارى انىقتالدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

مينيسترلەر كابينەتىنىڭ قاۋلىسىندا جازىلعانداي، «ناۆويۋران» مەملەكەتتىك كومپانياسىنىڭ بىرنەشە وڭىردە جۇرگىزگەن گەولوگيالىق بارلاۋ جۇمىسىنىڭ ناتيجەسىندە ۋراننىڭ پەرسپەكتيۆالى كەن ورىندارى انىقتالدى.

اتاپ ايتقاندا، مەتالل قورى شافيركان (بۇحارا وبلىسى) فاريش (جيزاق وبلىسى)، قىزىلتەپا، حاتىرشى (ناۆوي وبلىسى)، مۋبارەك، كاسان (قاشقاداريا وبلىسى) جانە پاپ اۋداندارىمەن قاتار (نامانعان وبلىسى) تاشكەنت وبلىسىنا قاراستى انگرەن قالاسىنىڭ اۋماعىندا تابىلدى.

قوسا كەتسەك، بۇعان دەيىن قازاقستانداعى ءۇلبى مەتاللۋرگيالىق زاۋىتى اۋماعىندا ۋراننىڭ شيكىزات قورى ساقتالعانىن حابارلاپ ەدىك.