وزبەكستاندىق فۋتبولشى حۋسانوۆتىڭ انگليادا قانشا جالاقى الاتىنى بەلگىلى بولدى

تاشكەنت. KAZINFORM - «مانچەستەر سيتي» وزبەكستاندىق ورتالىق قورعاۋشىسى ابدۋكودير حۋسانوۆتىڭ كلۋبقا اۋىسقانىن رەسمي تۇردە راستادى.

жалақы
Фото: Upl.uz

فۋتبولشى انگليا كلۋبىمەن 2029 - جىلدىڭ ماۋسىمىنا دەيىن سوزىلاتىن ۇزاق مەرزىمدى كەلىسىمگە قول قويدى، دەپ حابارلايدى Kazinform اگەنتتىگى upl.uz سايتىنا سىلتەمە جاساپ.

كەلىسىمشارتتا حۋسانوۆتىڭ كەلىسىمدى تاعى ءبىر ماۋسىمعا ۇزارتۋ مۇمكىندىگى قاراستىلعان، ول 2030 - جىلعا دەيىن كلۋبتا قالۋعا مۇمكىندىك بەرەدى.

ترانسفەر قۇنى، ءارتۇرلى دەرەككوزدەرگە سايكەس، 40 ميلليون ەۋروعا باعالاندى. وسىلايشا، حۋسانوۆ «مانچەستەر سيتي» ساتىپ العان ەڭ قىمبات قورعاۋشىلاردىڭ ءبىرى بولدى. فۋتبولشىعا جاقىن دەرەككوز نارزۋللا سايدۋللايەۆ حۋسانوۆتىڭ اعىلشىن كلۋبىنداعى جىلدىق جالاقىسى شامامەن 3,5 ميلليون ەۋرو (اپتاسىنا شامامەن 67000 ەۋرو) بولاتىنىن حابارلادى.

ابدۋكودير حۋسانوۆتىڭ «مانچەستەر سيتيگە» اۋىسۋى - وزبەكستان فۋتبولى ءۇشىن تاريحي ماڭىزعا يە. 24 جاستاعى قورعاۋشى وزبەكستاننىڭ اعىلشىن پرەمەر- ليگاسىنداعى (ا پ ل) العاشقى وكىلى بولدى.

بۇل ترانسفەر - جاس فۋتبولشىنىڭ مانسابىن دامىتۋداعى ماڭىزدى قادام جانە وزبەكستان فۋتبولىنىڭ حالىقارالىق ارەنادا ءوسىپ كەلە جاتقان دەڭگەيىنىڭ دالەلى.

حۋسانوۆ «مانچەستەر سيتيدەگى» دەبيۋتىن الداعى «چەلسيگە» قارسى ماتچتا جاسايدى دەپ كۇتىلىپ وتىر. جانكۇيەرلەر ونىڭ الەمنىڭ ەڭ مىقتى چەمپيوناتتاردىڭ بىرىندەگى ويىنىن تاعاتسىزدانا كۇتۋدە.

تالانتتى قورعاۋشىنىڭ كەلۋى كلۋبتىڭ قورعانىس شەبىن نىعايتىپ، نەگىزگى قۇرامداعى ورىن ءۇشىن باسەكەنى ارتتىرارى ءسوزسىز.

ەسكە سالا كەتەيىك، وزبەكستاندىق فۋتبولشى حۋسانوۆ مانچەستەر- سيتيدە ويناۋى مۇمكىن ەكەنى جايلى جازعان ەدىك.

سوڭعى جاڭالىقتار