وزبەكستاندا مەترو ستانسياسىندا الاقاندى سكانەرلەۋ ارقىلى تولەۋ جۇيەسى ىسكە قوسىلدى

تاشكەنت قالاسى اكىمشىلىگى اقپارات قىزمەتىنىڭ حابارلاۋىنشا، الاقاندى سكانەرلەۋ ارقىلى تولەم جۇيەسى تاشكەنت مەتروسىنىڭ «حالىقتار دوستىعى» ستانسياسىندا العاش رەت ىسكە قوسىلدى، دەپ حابارلايدى Kazinform وزبەكستاننىڭ UzA اگەنتتىگىنە سىلتەمە جاساپ.

ەندى تاشكەنت مەتروسىن پايدالانعان كەزدە جول اقىسىن تولەۋ ءۇشىن بانك كارتالارىن نەمەسە QR-كود پايدالانۋدىڭ قاجەتى جوق. وتكەلدە UZINFOKOM كومپانياسىنىڭ Palm ID جاڭا بيومەتريالىق جوبا - تامىرلاردىڭ سۋرەتىنە نەگىزدەلگەن سايكەستەندىرۋ جوباسى ىسكە قوسىلدى.

ءسىز الاقانىڭىزدى سكانەردىڭ ۇستىندە ۇستاساڭىز، جۇيە ءسىزدى يدەنتيفيكاتسيالايدى. سىزدەن تولەم اۆتوماتتى تۇردە الىنادى. ول ءۇشىن الدىن الا بىرنەشە مينۋت جۇمساپ، باعدارلاما ارقىلى جەكە دەرەكتەرىڭىزدى ەنگىزۋىڭىز كەرەك.

قوعامدىق كولىكتى پايدالانۋشىلارعا ارنالعان موبيلدى قوسىمشا دا ىسكە قوسىلدى. موبيلدى قوسىمشا ارقىلى ۆيرتۋالدى كارتا اشىلىپ، اقشامەن تولتىرىلادى. وسىدان كەيىن ءسىز الاقانىڭىزبەن جانە ەشقانداي ينتەرنەت، كارتا نەمەسە QR-كودسىز تولەم جاساي الاسىز.

 

اۆتور
جاراسقان نۇرىبايەۆ