وزبەكستاندا ماس ادام ءوز اناسىن بالتامەن شاۋىپ ءولتىردى
تاشكەنت. KAZINFORM - سوت شەشىمىمەن 34 جاستاعى سوتتالۋشى 18 جىلعا باس بوستاندىعىنان ايىرىلدى، دەپ حابارلايدى Kazinform اگەنتتىگى Zamon تەلەارناسىنا سىلتەمە جاساپ.

Zamon تەلەارناسى حابارلاعانداي، بۇحارا وبلىسى، گيجدۋۆون قالاسىنىڭ 34 جاستاعى تۇرعىنى ۇيىنە الكوگولدىك سۋسىن اكەلىپ، ىشە باستاعان. كەلەسى بولمەدە ول اناسى ۇلىنىڭ دۇرىس ەمەس ءومىر سالتىنا شاعىمدانعانىن ەستىدى، بۇل ونسىز دا ماس ەر ادامدى اشۋلاندىردى.
اشۋلانعان ول قويمادان تەمىر بالتا الادى دا، اناسىنىڭ بولمەسىنە كىرىپ، بالتامەن ونىڭ موينىنان بىرنەشە رەت ۇرعان.
بۇل ءىس بويىنشا سوت تالقىلاۋى بارىسىندا سوتتالۋشى ءولتىرۋ نيەتى بولماعانىن جانە سول كۇنى الكوگولدى شامادان تىس ىشكەندىكتەن ونىڭ قالاي بولعانى ەسىندە جوقتىعىن العا تارتتى. الايدا، سوت تەرگەۋ جيناعان دالەلدەمەلەردى قاراپ، جاۋاپكەردىڭ ۋاجدەرىن جاۋاپكەرشىلىكتەن جالتارۋ ارەكەتى دەپ ساناپ، باس تارتتى.
كۇدىكتى سوت شەشىمىمەن 18 جىل 1ايعا باس بوستاندىعىنان ايىرىلدى. ول جازاسىن قاتاڭ رەجيمدەگى كولونيادا وتەيتىن بولادى.