وزبەكستاندا جەمقورلىققا بەيىم كەلەتىن شەنەۋلىكتەردى ەرتە انىقتاۋ تاجىريبەسى ەنگىزىلمەك
تاشكەنت. KAZINFORM - ەنگىزىلۋى ىقتيمال جۇيە باسشىلىق لاۋازىمدا وتىرعان مەملەكەتتىك قىزمەتشىلەر مەن رەزەرۆتە تۇرعان كادرلاردىڭ سىبايلاس جەمقورلىققا قانشالىقتى بەيىم كەلەتىنىن انىقتاۋعا باعىتتالعان، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

وزبەكستان سىبايلاس جەمقورلىققا قارسى ءىس- قيمىل اگەنتتىگىنىڭ ديرەكتورى اكمال بۋرحانوۆ ءمالىم ەتكەندەي، بۇل - زاڭسىز بايلىققا كەنەلۋ ماقساتىندا مەملەكەتتىك قىزمەتكە ورنالاسقانداردى انىقتاۋعا، تيىسىنشە ادال كادرلاردى ىرىكتەۋگە مۇمكىندىك بەرەدى.
ەسكە سالايىق، تاياۋدا وزبەكستاندا ەكونوميكانىڭ دامۋىنا سەلقوس قاراعان 300 گە جۋىق شەنەۋنىك جۇمىستان بوساتىلدى.
بۇعان دەيىن وزبەكستاندا ينۆەستيتسيا تارتۋ ىسىنە سەلقوس قاراعان ءبىرقاتار جوعارى لاۋازىمدى شەنەۋنىك قىزمەتىن بوساتقان بولاتىن.
سونىمەن قاتار، بىلتىر وزبەكستاندا مەملەكەتتىك قىزمەتتە ءجۇرىپ، كاسىپكەرلىك سۋبەكتىلەرىنە يەلىك ەتكەن مينيسترلىكتەردىڭ 398 مامانى انىقتالدى.