وزبەكستاندا 60 جىلدىق تاريحى بار گۇلدەر فەستيۆالى بيىل دا جالعاسىن تاپتى

Өзбекстан
Фото: Әлихан Асқар / Kazinform

تاشكەنت. KAZINFORM - وزبەكستاننىڭ نامانعان قالاسىندا 60 جىلدان بەرى ۇيىمداستىرىلىپ كەلە جاتقان ءداستۇرلى گۇلدەر فەستيۆالى ءوتتى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

نامانعان - وزبەكستانداعى ەڭ كورىكتى ءارى اسەم قالالاردىڭ ءبىرى. مۇندا بيىك بيزنەس ورتالىقتار مەن ءزاۋلىم عيماراتتار بولماسا دا، شاھار جايقالعان گۇلزار باقپەن كومكەرىلگەن. بۇل قالا جىلىنا ءبىر رەت گۇلدەر فەستيۆالىن وتكىزىپ، جەر-جەردەن جينالعان تۋريست پەن تۇرعىنداردى كورىكتى داستۇرىمەن باۋرايدى.

گۇلدەر فەستيۆالىنىڭ داستۇرگە اينالعانى سونشالىق، ول جالپىحالىقتىق مەرەكە رەتىندە تويلانادى. بيىل دا ەلدىڭ تۇكپىر-تۇكپىرىنەن جينالعان جۇرت قاراسى قالىڭ بولدى.

Фото: Әлихан Асқар / Kazinform
Фото: Әлихан Асқар / Kazinform

گۇلزار باقتاعى ءار مەملەكەتكە ارنالعان كومپوزيتسيا ەرەكشە ورىندالعان. ونىڭ ىشىندە قازاقستانعا بولىنگەن اۋماق تا بار. اينالاسى جاسىل جەلەككە ورانعان بايتەرەك مونۋمەنتىنىڭ ماكەتى الىستان مەن مۇندالايدى.

Фото: Әлихан Асқар / Kazinform
Фото: Әлихан Асқар / Kazinform

«بۇل گۇلدەردى ەگۋگە 1 اي بۇرىن دايىندالدىق. ءار وسىمدىكتىڭ ءوز كۇتىمى بار. جەردى دايىنداۋعا دا ءبىراز ۋاقىت كەتەدى. شامامەن باس-اياعى 2 ايدا وسىنداي باقتى، ەرەكشە كومپوزيتسيالاردى جاساپ شىعاردىق. ءاربىرىنىڭ سىزباسى الدىن الا تەكسەرىستەن وتكەن»، - دەدى گۇلدەر فەستيۆالىن ۇيىمداستىرۋشى مەكەمەنىڭ وكىلى اتحامجون ميرزايەۆ.

Фото: Әлихан Асқар / Kazinform
Фото: Әлихан Асқар / Kazinform

باعباندار بيىلعى فەستيۆال ءۇشىن ارنايى 30 ميلليون ءتۇپ كوشەت ەككەن. ودان بولەك، جاسىل باقتا 60 جىلدان استام ۋاقىت بويى جايقالىپ ءوسىپ تۇرعان وسىمدىك تۇرلەرى كوپ. تاعى ءبىر ەرەكشەلىك - ءداستۇرلى ءىس-شارانى وتكىزۋگە جەرگىلىكتى قاتال كليمات ەش اسەر ەتپەيدى. قالا قونىس تەپكەن جەردىڭ توپىراعى سور بولعانىمەن، ورتالىعى گۇلزار باعىمەن ايگىلى.

Фото: Әлихан Асқар / Kazinform
Фото: Әлихан Асқар / Kazinform

«ءبىز فەستيۆالگە رەسپۋبليكالىق جاستار ۇيىمىنىڭ اتىنان كەلىپ، قاتىسىپ وتىرمىز. بۇگىنگى ءىس-شارانى تاماشالاپ، كەرەمەت كوڭىل-كۇيدە ءجۇرمىز. وزبەكستان عانا ەمەس، ەۋروپا جانە ازيا مەملەكەتتەرىنەن كەلگەن ساياحاتشىلارمەن تانىستىم»، - دەپ ءبولىستى قالا تۇرعىنى ميشتاريا ابدۋمانوۆا.

Фото: Әлихан Асқар / Kazinform
Фото: Әлихан Асқар / Kazinform

 

سوڭعى جاڭالىقتار