وزبەكستاندا 500 ايەلدى اۆتوبۋس جۇرگىزۋشىسى ماماندىعىنا وقىتۋ جوسپارلانىپ وتىر

تاشكەنت. KAZINFORM - بۇل تۋرالى ب ا ق وكىلدەرىنە ارنالعان باسپا ءسوز ءماسليحاتىندا «توششاحارترانسحيزمات» ا ق باسشىسىنىڭ ءبىرىنشى ورىنباسارى رۋستام شامۋرادوۆ ءمالىم ەتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

ا
Фото: «Тошшахартрансхизмат» АҚ

ايتا كەتسەك، بۇعان دەيىن وزبەكستان ۇكىمەتى ايەلدەرگە قوعامدىق جانە اۋىر جۇك كولىكتەرىن باسقارۋعا شەكتەۋ قوياتىن زاڭناما تالابىن الىپ تاستادى. سايكەسىنشە، قازىرگى تاڭدا تاشكەنتتە ەكى ايەل اۆتوبۋس جۇرگىزۋشىسى بولىپ جۇمىس ىستەيدى.

ەندى «توششاحارترانسحيزمات» ا ق ايەل-جۇرگىزۋشىلەردىڭ قاتارىن كوبەيتۋگە نيەتتى.

- D جانە E ساناتىنداعى كولىك باسقارۋعا قۇقىعى بار ايەلدەردى جۇمىسقا قابىلدايمىز. بيىل 200 اۆتوبۋستى تىزگىندەيتىن 500 ايەلدى وقىتۋ جوسپارلانىپ وتىر. ويتكەنى، ءبىز قازىر قوعامدىق كولىك جۇرگىزىپ جۇرگەن نازىك جاندىلاردىڭ جۇمىسىن جوعارى باعالايمىز. ولار جول ەرەجەسىن بۇزبايدى، تەمەكى شەكپەيدى جانە رۋلدە ۇيالى تەلەفون پايدالانبايدى، - دەدى رۋستام شامۋرادوۆ.

ەسكە سالايىق، وزبەكستاندا اۆتوبۋس جولاعىنا تۇسكەن كولىك جۇرگىزۋشىلەرىنە ايىپپۇل سالىنۋى مۇمكىن.

سونىمەن قاتار وزبەكستاننان قازاقستانعا قاتىنايتىن جاڭا اۆتوبۋس رەيستەرى اشىلادى.

سوڭعى جاڭالىقتار