وزبەكستاندا 11 مىڭ قۇرىلىس كومپانياسىندا تەك 1 قىزمەتكەر رەسمي تىركەلگەن

құрылыс
فوتو: ۆيكتور فەديۋنين/kazinform

تاشكەنت. KAZINFORM - وزبەكستانداعى جالپى سانى 34,5 مىڭ قۇرىلىس كومپانياسىنىڭ 10,9 مىڭى ەسەپ قۇجاتتارىندا كاسىپورىندا تەك 1 قىزمەتكەر جۇمىس ىستەيدى دەپ كورسەتكەن. بۇل تۋرالى كاسىپكەرلەرگە ارنالعان سەمينار بارىسىندا ساۋدا-ونەركاسىپ پالاتاسىنىڭ ءتوراعاسى داۆرون ۆاحابوۆ ايتتى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

داۆرون ۆاحابوۆتىڭ مالىمدەۋىنشە، 4,1 مىڭ كومپانيا تەك 2 قۇرىلىسشىسى بار ەكەنىن كورسەتسە، 5,5 مىڭ كومپانيا 4-10 مامان رەسمي قىزمەتپەن قامتىلعانىن العا تارتقان.

ال بىلتىر وزبەكستاندىق قۇرىلىس كومپانيالارى جالپى سوماسى 150 تريلليون سۋمعا باعالانعان وبەكتىلەردى سالعان.

ونىڭ ىشىندە نىسانداردىڭ %70 دان استامى - تۇرعىن ءۇي مەن الەۋمەتتىك نىساندار.

پالاتا ءتوراعاسى اتاپ وتكەندەي، بۇگىندە قۇرىلىس سالاسىندا 417 مىڭنان استام ادام جۇمىسپەن قامتىلعان.

قوسا كەتسەك، تاياۋدا وزبەكستان پرەزيدەنتى سالاداعى ولقىلىقتاردىڭ سالدارىنان قۇرىلىستا 50 تريلليون سۋم ($4 ميلليارد) كولەڭكەدە قالىپ وتىرعانىن مالىمدەگەن بولاتىن.

اۆتور

ءاليحان اسقار

سوڭعى جاڭالىقتار