وزبەكستانداعى قازاق بوكسشىسى وليمپيادامەن قوشتاستى

استانا. قازاقپارات - وزبەكستان قۇراماسىنداعى تەگى قازاق بوكسشى رۋسلان ابدۋللايەۆ پاريجدەگى وليمپيادا ويىندارىنىڭ جارتىلاي فينالىنا شىعا المادى، - دەپ حابارلايدى msports.kz.

سونىمەن وزبەكستاندىق بوكسشى، ەتنيكالىق قازاق رۋسلان ابدۋللايەۆ پاريج وليمپياداسىمەن قوش ايتىستى.

63,5 كيلو سالماقتا وتكەن جەكپە-جەكتە ول كانادالىق ۋاياتت سەنفوردقا جول بەردى. تورەشىلەردىڭ بولە جارعان شەشىمىمەن قارسىلاسى جەڭىمپاز بولىپ تانىلدى. كانادالىق كەمى قولا جۇلدەگەر، ال رۋسلان جۇلدەسىز قايتادى.

رۋسلان وليمپيادا ويىندارىنان شىعىپ قالعان وزبەكستان قۇراماسىنداعى العاشقى بوكسشى. 2022 -جىلعى ازيا، 2023 -جىلعى الەم چەمپيونى.

بۇل سالماقتا قازاقستان قۇراماسى ساپىندا مۇحاممەدسابىر بازارباي ۇلى باق سىناۋدا. وتانداسىمىز العاشقى ەكى جەكپە-جەگىندە جەڭىسكە جەتتى. بۇگىن تۇندە گرۋزين لاشا گۋرۋليمەن جۇدىرىقتاسادى.

ايتا كەتەيىك، بۇعان دەيىن قىتاي قۇراماسىنداعى قازاق بوكسشى توقتاربەك تاڭاتقان دا جارىستى ەرتە اياقتاعان ەدى.