19:30, 09 - قاڭتار 2025 | GMT +5
وزبەكستان مەن رەسەي عالىمدارى زورلىق-زومبىلىقتى انىقتايتىن نەيروندىق جەلى جاساپ شىعاردى
تاشكەنت. KAZINFORM - وزبەكستان مەن رەسەيدىڭ عالىمدارى بىرلەسىپ، بەينەباقىلاۋ كامەرالارى ارقىلى كوشەدەگى زورلىق-زومبىلىقتى انىقتاي الاتىن نەيروندىق جەلى قۇراستىردى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
ت ا س س اگەنتتىگىنىڭ مالىمەتىنشە، جاساندى ينتەللەكت ءتۇرلى لوگيكالاردى قولدانا وتىرىپ، كوشەدەگى زورلىق-زومبىلىق فاكتىلەرىنىڭ 98 پايىزدان استامىن انىقتاۋعا قابىلەتتى.
قوس ەلدىڭ عالىمدارى قۇراستىرعان نەيروندىق جەلىنى الداعى ۋاقىتتا «اقىلدى قالا» جۇيەسىنە ەنگىزۋ جوسپارلانىپ وتىر.
ەسكە سالايىق، بۇعان دەيىن ق ر پرەمەر-ءمينيسترى ولجاس بەكتەنوۆ نەيروندىق جەلىلەر ارقىلى توتەنشە جاعدايلاردى بولجاۋ جۇيەسى ەنگىزىلەتىنىن مالىمدەگەن ەدى.
