وزبەكستان مەن رەسەي اسكەري سالاداعى ستراتەگيالىق ارىپتەستىك باعدارلاماسىن قابىلدادى
تاشكەنت. KAZINFORM - رەسەي مەن وزبەكستاننىڭ قورعانىس مينيسترلىكتەرى اراسىنداعى ىنتىماقتاستىق جوسپارى مەن اسكەري سالاداعى ستراتەگيالىق ارىپتەستىكتىڭ 2026-2030-جىلدارعا ارنالعان باعدارلاماسى قابىلداندى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

ءتيىستى قۇجاتتارعا تاشكەنتتە رەسەي مەن وزبەكستان اسكەري ۆەدومستۆولارىنىڭ باسشىلارى اندرەي بەلوۋسوۆ پەن شۋحرات حالمۋحامەدوۆ قول قويدى.
— قابىلدانعان قۇجات اسىرەسە قازىرگى حالىقارالىق جاعدايدا زور ماڭىزعا يە. رەسەي مەن وزبەكستان باسشىلارى ەكى ەلدىڭ كۇش قۇرىلىمدارى اراسىنداعى بايلانىستى نىعايتۋعا اسا كوڭىل بولەدى. ءبىزدىڭ بىرلەسكەن جۇمىسىمىز ورتالىق ازيا وڭىرىندە قاۋىپسىزدىكتى قامتاماسىز ەتۋگە ىقپال ەتەدى، — دەدى اندرەي بەلوۋسوۆ قول قويۋ ءراسىمى بارىسىندا.
رەسەي مەن وزبەكستاننىڭ قورعانىس مينيسترلىكتەرى اراسىنداعى ىنتىماقتاستىق جوسپارى اياسىندا بىرلەسكەن 50 ءىس-شارانى جۇزەگە اسىرۋ كوزدەلگەن.
ەسكە ساليىق، تاياۋدا وزبەكستان مەن رەسەي عالىمدارى زورلىق-زومبىلىقتى انىقتايتىن نەيروندىق جەلى جاساپ شىعاردى.
بۇعان دەيىن حابارلاعانىمىزداي، وزبەكستاندا رەسەيلىك تەحنولوگيا بويىنشا وڭىردەگى العاشقى از قۋاتتى اتوم ەلەكتر ستانتسياسى سالىنادى.
تاياۋدا وزبەكستان مەن رەسەي ا ە س سالۋ كەلىسىمشارتىنىڭ كۇشىنە ەنۋ حاتتاماسىنا قول قويدى.