وزبەكستان مەن رەسەي ا ە س سالۋ كەلىسىمشارتىنىڭ كۇشىنە ەنۋ حاتتاماسىنا قول قويدى

تاشكەنت. KAZINFORM - وزبەكستاننىڭ اتوم ەنەرگياسى اگەنتتىگى مەن «روساتوم» جيزاق وبلىسىندا از قۋاتتى اتوم ەلەكتر ستانتسياسىن (ا ە س) سالۋ كەلىسىمشارتىنىڭ كۇشىنە ەنۋىنە بايلانىستى حاتتاماعا قول قويدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

از قۋاتتى اتوم ەلەكتر ستانتسياسىن سالۋ جونىندەگى شتابتىڭ ءبىرىنشى وتىرىسى وزبەكستانداعى قۇرىلىس الاڭىندا ءوتىپ، ونىڭ بارىسىندا حاتتاماعا قول قويىلدى. نىساننىڭ ينفراقۇرىلىمىن قۇرۋ جۇمىستارى بيىل كۇزدە باستالادى.

بۇعان دەيىن حابارلاعانىمىزداي، ا ە س- ءتىڭ العاشقى رەكاتورى 2029-جىلدىڭ سوڭىندا ىسكە قوسىلماق. ال ول تولىق قۋاتتا 2033-جىلدان باستاپ جۇمىس ىستەي باستايدى. جالپى وزبەكستاندا ءارقايسىسى 55 م ۆ ت بولاتىن 6 شاعىن رەاكتور سالىنادى.