وزبەكستان مەن گەرمانيا ىنتىماقتاستىقتى ىلگەرىلەتەتىن 8 قۇجاتقا قول قويدى

تاشكەنت. KAZINFORM - وزبەكستان پرەزيدەنتى شاۆكات ميرزيەيەۆ سامارقاندا گەرمانيا كانسلەرى ولاف شولسپەن كەلىسسوز جۇرگىزىپ، تاراپتار ىنتىماقتاستىقتى بەكەمدەي تۇسۋگە باعىتتالعان ءبىرقاتار قۇجاتقا قول قويدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

وزبەكستان باسشىسى مەن گەرمانيا كانتسلەرى اراسىندا وتكەن كەلىسسوزدەر قورىتىندىسى بويىنشا بىرلەسكەن دەكلاراتسياعا جانە 8 قۇجاتقا قول قويىلدى:

- كوشى-قون جانە جان-جاقتى ارىپتەستىك تۋرالى ۇكىمەتارالىق كەلىسىم؛

- ۆەتەريناريا جانە مال شارۋاشىلىعى سالاسىنداعى ىنتىماقتاستىق تۋرالى ۇكىمەتارالىق دەكلاراتسيا؛

- «جاسىل ورتالىق ازيا» باستاماسى شەڭبەرىندە سۋ رەسۋرستارىن تۇراقتى پايدالانۋ سالاسىنداعى ىنتىماقتاستىق تۋرالى ۇكىمەتارالىق دەكلاراتسيا؛

ماڭىزدى مينەرالدار سالاسىنداعى ىنتىماقتاستىق تۋرالى بىرلەسكەن دەكلاراتسيا؛

كولىك سالاسىنداعى ىنتىماقتاستىق تۋرالى كەلىسىم؛

پاريج كەلىسىمى اياسىندا كليماتتىڭ وزگەرۋى سالاسىنداعى ىنتىماقتاستىق تۋرالى مەموراندۋم.

بۇعان قوسا، 2024-2026-جىلدارعا ارنالعان تەحنولوگيالىق ارىپتەستىك جانە ونەركاسىپتىك كووپەراتسيا جونىندەگى باعدارلاما قابىلدانىپ، وزبەكستان مەن گەرمانيانىڭ جەتەكشى كاسىپورىندارى دەڭگەيىندە بىرنەشە كەلىسىم جاسالدى.