وزبەكستان مەن قىتاي ۆيزاسىز رەجيم ورناتۋعا مۇددەلى
تاشكەنت. KAZINFORM - وزبەكستان مەن قىتاي ۆيزا تالاپتارىن ءوزارا وڭتايلاندىرۋ مۇمكىندىگىن تالقىلاپ جاتىر، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
وزبەكستاننىڭ سىرتقى ىستەر مينيسترلىگىنە قاراستى «Dunyo» اگەنتتىگىنىڭ مالىمەتىنشە، ۆيزا تالاپتارىن جەڭىلدەتۋ ماسەلەسىن ق ح ر س ءى م كونسۋلدىق دەپارتامەنتى مەن وزبەكستان ەلشىلىگىنىڭ وكىلدەرى تالقىلادى.
«وزبەكستان ۇكىمەتىنىڭ باسىم قىزمەتتەرىنىڭ ءبىرى وزگە ەلدەرمەن اراداعى ۆيزا تالاپتارىن جەڭىلدەتۋ، بىردەي نەگىزدە ۆيزادان بوساتۋعا باعىتتالعان، - دەپ ءمالىم ەتتى «Dunyo» اقپارات اگەنتتىگىنەن.
ايتا كەتسەك، قازاقستان مەن قىتاي اراسىندا ۆيزاسىز رەجيم بىلتىر 10-قاراشادا ورنادى. وعان ساي، قازاقستان ازاماتتارى قىتاي اۋماعىندا، قىتاي ازاماتتارى قازاقستاندا 30 كۇننەن اسپايتىن ۋاقىت ارالىعىندا ۆيزاسىز جۇرە الادى.
