وزبەكستان ەلگە زاڭسىز درون اكەلگەندەرگە قاتىستى جازانى جەڭىلدەتپەك
وزبەكستان ولي ءماجىلىسى زاڭ شىعارۋ پالاتاسىنىڭ دەپۋتاتتارى ەل اۋماعىنا درونداردى زاڭسىز اكەلگەنى ءۇشىن جاۋاپكەرشىلىكتى جەڭىلدەتەتىن زاڭ جوباسىن ماقۇلدادى، دەپ حابارلايدى Kazinform.
زاڭ شىعارۋ پالاتاسىنىڭ باسپا ءسوز قىزمەتى ءمالىم ەتكەندەي، دروندار وزبەكستانعا اكەلۋگە شەكتەۋ قويىلعان تاۋارلاردىڭ قاتارىنا جاتادى. ولاردى زاڭسىز كىرگىزگەنى، ساتىپ العانى، ساقتاعانى نەمەسە پايدالانعانى ءۇشىن قىلمىستىق جاۋاپكەرشىلىك كوزدەلگەن. اتاپ ايتقاندا، وسىنداي ارەكەتكە بارعاندار 3 جىلعا دەيىن باس بوستاندىعىنان ايىرىلۋى مۇمكىن.
ەندى جاڭا وزگەرىسكە ساي، ەل اۋماعىنا درونداردى العاش رەت زاڭسىز اكەلىنگەن، ساتقان، ساقتاعان نەمەسە پايدالانعان ادامدار ءۇشىن قىلمىستىق جاۋاپكەرشىلىكتىڭ ورنىنا اكىمشىلىك جازا قولدانىلماق. سونداي- اق، وسىنداي قۇقىق بۇزۋشىلىقتاردى بىرنەشە رەت قايتالاعاندارعا دا جازا جەڭىلدەمەك.
وزبەكستاندا درونداردى اكەلۋگە، ساتۋعا جانە پايدالانۋعا قاتىستى تولىق تىيىم 2015 -جىلدىڭ 1-قاڭتارىندا ەنگىزىلدى. ولاردى پايدالانۋعا رۇقساتى بار جەكە زاڭدى تۇلعالارعا عانا قولدانا الادى.
