وزبەكستان كانديداتۋراسىن رەسمي تۇردە يۋنەسكو اتقارۋشى كەڭەسىنىڭ مۇشەلىگىنە ۇسىندى

تاشكەنت. KAZINFORM - پاريجدەگى يۋنەسكو- نىڭ شتاب- پاتەرىندە وزبەكستاندى يۋنەسكو اتقارۋشى كەڭەسىنىڭ مۇشەلىگىنە رەسمي تۇردە ۇسىنۋعا ارنالعان جيىن ءوتتى، دەپ حابارلايدى Kazinform اگەنتتىگى ءوزا- عا سىلتەمە جاساپ.

Өзбекстан кандидатурасын ресми түрде ЮНЕСКО Атқарушы кеңесінің мүшелігіне ұсынды
Фото: uza.uz

وعان مادەنيەت پەن ونەردى دامىتۋ قورىنىڭ ءتورايىمى گايانە ۋمەروۆا، وزبەكستاننىڭ يۋنەسكو جانىنداعى تۇراقتى وكىلى كامول مۋحتوروۆ، يۋنەسكو اتقارۋشى كەڭەسىنىڭ ءتورايىمى ۆەرا لەيكي قاتىستى.

كەزدەسۋدە وزبەكستاننىڭ يۋنەسكو ماقساتتارىنا ادالدىعى جانە ونىڭ ۇيىم قىزمەتىنە قوسقان تۇراقتى ۇلەسى مويىندالدى. وسى وتىرىس بارىسىندا وزبەكستاننىڭ 2027-2030 - جىلدار ارالىعىنداعى يۋنەسكو اتقارۋشى كەڭەسىنىڭ مۇشەلىگىنە رەسمي تۇردە كانديداتۋراسىن ۇسىنعانى بەلگىلى بولدى.

- سونىمەن قاتار تاراپتار مادەنيەتارالىق ديالوگتى نىعايتۋ، جاڭا باستامالاردى قولداۋ جانە 2025 - جىلدىڭ قاراشاسىندا سامارقاندتا وتەدى دەپ جوسپارلانعان يۋنەسكو باس كونفەرەنسياسىنىڭ 43 - سەسسياسى اياسىندا تالقىلاناتىن جوبالار تۋرالى پىكىر الماستى.
قوردىڭ باسپا ءسوز قىزمەتىنىڭ حابارلاۋىنشا، كەزدەسۋدە وزبەكستاننىڭ بۇل باستاماسى ونىڭ حالىقارالىق مادەني ىنتىماقتاستىق پەن پراكتيكالىق ءىس- ارەكەتكە دەگەن ۇمتىلىسىنىڭ جارقىن مىسالى رەتىندە تانىلدى، - دەلىنگەن حابارلامادا.

ەسكە سالا كەتەيىك، كەلەر جىلى وزبەكستان ت م ۇ- عا مۇشە ەلدەرمەن بىرلەسىپ عارىشعا سپۋتنيك ۇشىرماق.

سوڭعى جاڭالىقتار