وزبەكستان حالقىنىڭ سانى 37,5 ميلليوننان استى

استانا. قازاقپارات - 2025-جىلدىڭ 1-قاڭتار كۇنگى مالىمەتى بويىنشا، وزبەكستان حالقىنىڭ سانى 37 ميلليون 543,2 مىڭ ادامعا جەتتى. وسىلايشا 2024-جىلى حالىق سانى 2 پايىزعا نەمەسە 743,4 مىڭ ادامعا ارتقان. بۇل مالىمەتتى وزبەكستان پرەزيدەنتى جانىنداعى ستاتيستيكا اگەنتتىگى تاراتتى.

Өзбекстанда тұрақты тұрғындардың саны 37,5 миллионнан асты
Фото: STATISTIKA | Rasmiy kanal

حالىقتىڭ 18,9 ميلليونى (%50,4) - ەر ادامدار، 18,6 ميلليونى (%49,6) - ايەلدەر. حالىقتىڭ جارتىسىنان استامى 19,1 ميلليون نەمەسە %51 قالادا تۇرادى. 18,4 ميلليون ادام نەمەسە %49 اۋىلدا تۇرادى.

حالىقتىڭ ورنالاسۋ تىعىزدىعى 1 شارشى شاقىرىمعا 83,6 ادامنان كەلەدى. بۇل ءبىر جىل بۇرىنعى جاعدايمەن سالىستىرعاندا 1,6 ادامعا كوپ (بىلتىر 1-قاڭتاردا 1 شارشى شاقىرىمعا 82 ادامنان كەلگەن).

حالىق تىعىز ورنالاسقان وبلىستارعا تاشكەنت، ءاندىجان، فەرعانا وبلىستارى جاتادى. ال حالىق تىعىزدىعى ناۋاي وبلىسى مەن قاراقالپاقستاندا تومەن.

2024-جىلى ەلدە 926,4 مىڭ بالا دۇنيەگە كەلگەن. بۇل ءبىر جىل بۇرىنعى كورسەتكىشپەن سالىستىرعاندا %3,7 از. ەلدە 2017-جىلدان بەرگى تۋۋ كورسەتكىشى العاش رەت ازايىپ وتىر.

بىلتىر 479,5 مىڭ (%51,8) - ۇل بالا، 446,9 مىڭ (%48,2) قىز بالا دۇنيەگە كەلگەن.

بىلتىر ەلگە 241,8 مىڭ ادام كەلگەن. باسىم بولىگى - رەسەيدەن (%36,5) جانە قازاقستاننان (%24,2) بارعان.

2024-جىلى ەلدەن 250,4 ادام كەتكەن. ولاردىڭ 80 پايىزى - ەڭبەككە قابىلەتتى جاستا. %81,1 - قازاقستانعا، %14,8 - رەسەيگە، %0,9 - وڭتۇستىك كورەياعا، %0,7 - قىرعىزستانعا قونىس اۋدارعان.

سوڭعى جاڭالىقتار