وزبەكستان حالقىنىڭ سانى 36,8 ميلليونعا جۋىقتادى

ءبىر جىلدا وزبەكستاننىڭ حالىق سانى 2,2 پايىزعا ءوسىپ، 36,7 ميلليوننان استى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

«2024-جىلدىڭ 1- قاڭتارىنداعى جاعداي بويىنشا وزبەكستانداعى تۇراقتى حالىق سانى - 36799756 ادام (2023-جىلدىڭ 1- قاڭتارىندا 36024946 ادام). وتكەن جىلدىڭ سايكەس كەزەڭىمەن سالىستىرعاندا ءوسىم - %2,2»، - دەپ ءمالىم ەتتى وزبەكستاننىڭ ستاتيستيكا اگەنتتىگى.

ءمالىم بولعانداي، 2023-جىلدىڭ باسىنان بەرى حالىق سانى 774,8 مىڭ ادامعا كوبەيگەن. اي سايىنعى ورتاشا ءوسىم 64,6 مىڭ ادام بولسا، ال كۇندەلىكتى ءوسىم 2,1 مىڭ ادام.

بۇعان دەيىن حابارلاعانىمىزداي، بىلتىر وزبەكستاندا 968140 ءسابي دۇنيەگە كەلدى.

ەسكە سالا كەتەيىك، دەموگرافيالىق بولجامعا ساي، 2030-جىلعا قاراي وزبەكستان حالقىنىڭ سانى 41 ميلليوننان اسۋى مۇمكىن.