وزبەكستان عالىمدارى قىزاناقتان كوروناۆيرۋسقا قارسى جاڭا ۆاكسينا جاساپ شىعاردى

وزبەكستان عالىمدارى كوروناۆيرۋس ينفەكسياسىنا قارسى العاش رەت قىزاناق وسىمدىگىنەن تىكەلەي تۇتىنۋعا بولاتىن گەنەتيكالىق ۆەكتورلار مەن قىزاناق وسىمدىگىنە نەگىزدەلگەن COVID-19 جاڭا بۋىنداعى ۆاكسينا جاسادى. Kazinform بۇل تۋرالى frontiersin.org سايتىنا سىلتەمە جاساپ.

عالىمدار كوروناۆيرۋستىڭ S1 انتيگەن اقۋىزىن كودتايتىن گەن فراگمەنتىن ارنايى ۆەكتورلارعا ورنالاستىرىپ، ونى قىزاناق جاسۋشاسىنىڭ گەنومىنا ەنگىزدى. بۇل جاسۋشالاردان S1 انتيگەن اقۋىزىن ۇنەمى وندىرەتىن قىزاناق وسىمدىگى الىندى. وسىنداي وسىمدىكتەن الىنعان قىزاناق جەمىسى 0,77 م ك گ/گ مولشەرىندە تۇراقتى S1 انتيگەن اقۋىزىن سينتەزدەيتىنى كورسەتىلدى جانە TOMAVAC ۆاكسيناسى رەتىندە تاڭدالدى.

بەلگىلەنگەن TOMAVAC ۆاكسيناسى تىشقاندار مەن ەرىكتى ادامدارعا سىنالعاندا، سارىسۋدا (IgG) جانە ىشەكتە بەيتاراپتاندىراتىن انتيدەنەلەردىڭ (IgA) جوعارى دەڭگەيىن شىعاراتىنىن كورسەتتى.

ەكسپەريمەنت ناتيجەسىندە تىشقاندار مەن ەرىكتىلەردە جاعىمسىز جاناما اسەرلەر بايقالماعان.

بۇل زەرتتەۋ TOMAVAC ەكى فازالى (ىشەك شىرىشتى قاباتى جانە قان ارقىلى وتەتىن) قورعانىستى قامتاماسىز ەتەتىن قاۋىپسىز ۆاكسينا ەكەنىن كورسەتتى جانە ول عىلىمي قاۋىمداستىققا العاشقى تىكەلەي تۇتىنۋعا ارنالعان COVID-19 ۆاكسيناسى رەتىندە ۇسىنىلدى.

ماڭىزدىسى، قۇرىلعان ۆەكتورلىق جۇيە مەن تاجىريبە نەگىزىندە، قاجەت بولعان جاعدايدا، قىسقا مەرزىمدە مەملەكەتتە ءارتۇرلى ينفەكسيالارعا قارسى ۆاكسينالاردى جاساپ، ەنگىزۋ مۇمكىندىگى جانە مامانداردىڭ جاڭا بۋىنى قالىپتاستى.

ۆاكسينا بويىنشا زەرتتەۋلەر «Frontiers in Nutritional Immunology» (IF=5.0) بەدەلدى شەتەلدىك جۋرنالىندا جارىق كوردى جانە تىشقاندار مەن ەرىكتى ادامداردا جۇرگىزىلگەن يممۋنوگەندىك، بيوقاۋىپسىزدىك سىناقتار ناتيجەلەرى جاريالاندى.